སེམས་རྟོགས་ཁ་ལུ་ འཕགས་པ་ཐུགས་རྗེ་ཆེན་པོ་ སྤྱན་རས་གཟིགས་ཀྱི་སྒྲུབ་ཆེན།

སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལུ་ སེམས་རྟོགས་ཁ་ གསང་ཟབ་བཤད་གྲྭའི་ དགེ་འདུན་པ་ ༡༥༠ དེ་ཅིག་གིས་ ཉིན་གྲངས་ ༣ གྱི་རིང་ལུ་ འཕགས་པ་ཐུགས་རྗེ་ཆེན་པོ་ སྤྱན་རས་གཟིགས་ཀྱི་ སྒྲུབ་ཆེན་ཚོགས་གནང་མི་དེ་ རང་ཟླ་ ༥ པའི་ཚེས་ ༡༧ སྤྱི་ཟླ་ ༧ པའི་ཚེས་ ༡༢ ལུ་ གྲོལ་གནང་ནུག།
རང་ཟླ་ ༥ པའི་ཚེས་ ༡༥ སྤྱི་ཟླ་ ༧ པའི་ཚེས་ ༡༠ ལུ་ ཡར་ངོའི་དུས་བཟང་ཁྱད་པར་ཅན་དང་བསྟུན་ཏེ་ ཚོགས་གནང་མི་ སྤྱན་རས་གཟིགས་ཀྱི་ སྒྲུབ་ཆེན་དེ་ སྤྱིར་འཛམ་གླིང་ཞི་བདེ་དང་ ལྷག་པར་དུ་ འབྲུག་མི་ཡོངས་ཀྱི་གཙུག་བརྒྱན་ མི་དབང་ཆོས་རྒྱལ་ཡབ་སྲས་ ༢ ཀྱིས་ དབུ་གཙོས་པའི་ མི་དབང་སྐུ་འཁོར་ལྷན་རྒྱས་ག་ར་ སྐུ་ཚེ་ཞབས་པད་བརྟན་ཏེ་ ཐུགས་དོན་ཚུ་ འབད་མེད་ལྷུན་གྱིས་ འགྲུབ་ནི་དང་ ཡང་སྒོས་ལུ་ འབྲུག་རྒྱལ་ཁབ་འདི་ནང་ ཞི་བདེ་འབྱུང་ཐབས་ལུ་དམིགས་ཏེ་ གནང་ཡོད་པའི་ གནས་ཚུལ་མདོར་བསྡུས།

Please follow and like us: