མི་ཡཱན་མར་ དམག་སྡེ་གཞུང་གིས་ ན་འོང་ཀི་ཡོ་ཁྲོམ་དེ་ ངོ་རྒོལ་དམག་སྡེ་ལས་ ལོག་ཐོབ་ཡོདཔ།

ཨཱལ་ཇ་ཟི་ར།
སྤྱི་ཟླ་ ༧ པའི་ཚེས་ ༡༨ ལུ་ མི་ཡཱན་མར་ དམག་སྡེ་གཞུང་གིས་ རྒྱལ་ཁབ་ཀྱི་ བྱང་ཤར་ས་ཁོངས་ཚུ་ནང་ ངོ་རྒོལ་དམག་སྡེ་ལས་ རྒྱལ་ཁབ་འཐོབ་ནི་དེ་ དཀོན་སུ་ཅིག་ཨིན་རུང་ དམག་སྦྱོང་ལྟེ་བའི་ ཉེ་འདབས་ལུ་ཡོད་མི་ ཐབས་བྱུས་ཅན་གྱི་ ཁྲོམ་ཚོགས་ཅིག་ ལོག་ཐོབ་ཡོདཔ་སྦེ་ཨིན་པས།
དེ་ཡང་ ཤཱན་མངའ་སྡེའི་ཁྲོམ་ ན་འོང་ཀི་ཡོ་ཟེར་མི་དེ་ ཏཱང་ནེ་ཤ་ནཱལ་ ལི་བ་རེ་ཤཱན་དམག་སྡེ་གིས་ དབང་སྟེ་ཡོད་སར་ གཞུང་གི་དམག་སྡེ་གིས་ མདུན་བསྐྱོད་ཐོག་ལས་ ལོག་ལེན་ནུག།
ན་འོང་ཀི་ཡོ་ཁྲོམ་དེ་ མི་ཡཱན་མར་དང་ རྒྱ་ནག་ ༢ ཀྱི་བར་ན་ ཐབས་བྱུས་ཅན་གྱི་ མཐུད་ལམ་ཨིནམ་ད་ ཁྲོམ་དེ་ སྤྱི་ལོ་ ༢༠༢༤ སྤྱི་ཟླ་ ༧ པའི་ནང་ ངོ་རྒོལ་དམག་སྡེ་གིས་ བཙན་དབང་འབད་ཡོདཔ་ཨིན་པས།
ཁྲོམ་དེ་ རྒྱལ་ཁབ་ནང་ དམག་མི་ཚུ་གི་ སྦྱོང་བརྡར་སྤེལ་ཁང་ལས་ ཀི་ལོ་མི་ཊར་ ༤༠ དང་ མི་ཡཱན་མར་གྱི་ ཁྲོམ་ཚོགས་ ༢ པ་ མཱན་ཌ་ལེ་ལས་ ཀི་ལོ་མི་ཊར་ ༨༠ གི་ས་ཁར་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: