རྡོ་རྗེ་སློབ་དཔོན་སྐུ་བགྲེས་ཞིང་གཤེགས་ ཡོན་ཏན་རྒྱལ་མཚན་མཆོག་གི་སྤུར་སྦྱང་།

སྤྱི་ཟླ་ ༧ པའི་ཚེས་ ༡༨ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ སྤུ་ན་ཁ་ ན་ལེཎྜ་ལུ་སྦེ་ རྡོ་རྗེ་སློབ་དཔོན་སྐུ་བགྲེས་ཞིང་གཤེགས་ ཡོན་ཏན་རྒྱལ་མཚན་མཆོག་གི་ སྤུར་སྦྱང་མཛད་གནང་ཡོདཔ་ད་ སྤུར་སྦྱང་དེ་ནང་ མི་དབང་མངའ་བདག་རིན་པོ་ཆེ་དང་ མི་དབང་འབྲུག་རྒྱལ་བཞི་པ་མཆོག་གིས་ དབུ་གཙོས་པའི་ མི་དབང་རྒྱལ་བཙུན་མཆོག་དང་ མི་དབང་སྐུ་འཁོར་ལྷན་རྒྱས་ཚུ་ བྱོན་ཡོདཔ་ཨིན་པས།
བཅོམ་ལྡན་འདས་ རྡོ་རྗེ་མི་འཁྲུགས་པའི་སྒོ་ལས་ སྤུར་སྦྱང་གི་ གསུང་ཆོག་དེ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་དང་ ཡོན་ཏན་སློབ་དཔོན་སྐུ་བགྲེས་ སྤྲུལ་སྐུ་འཕྲིན་ལས་མཆོག་ རབ་སྡེ་ཁག་གི་ བླམ་གནས་བརྟན་ཚུ་དང་ བཤད་གྲྭ་ཁག་གི་ མཁན་པོ་ཚུ་ དེ་ལས་ ན་ལེཎྜ་བཤད་གྲྭའི་ བླ་སློབ་དང་ དགེ་སློང་ཚུ་གིས་གནང་ནུག།
དེ་བསྒང་ གཞུང་གྲྭ་ཚང་གི་ སློབ་དཔོན་ལྷན་རྒྱས་རྣམས་དང་ ལྷན་རྒྱས་གཞུང་ཚོགས་ཀྱི་ བློན་པོ་ལྷན་རྒྱས་ཚུ་དང་ གཞུང་གི་དཔོན་ཁག་ཚུ་ བྱོན་ཡོདཔ་མ་ཚད་ མི་སེར་ཚུ་གིས་ཡང་ གྲལ་གཏོགས་འབད་ཡོད་པའི་གནས་ཚུལ།

Please follow and like us: