སྲིད་འཛིན་ཌོ་ནཱལ་ཊཱམ་གྱིས་ ཝ་ཤིང་ཊཱོན་ལུ་ རྒྱལ་ཡོངས་སྲུང་སྐྱོབ་དམག་མི་བཀྲམ་སྤེལ།

ཨཱལ་ཇ་ཟི་ར།

ཡུ་ཨེཛ་གི་སྲིད་འཛིན་ ཌོ་ནཱལ་ཊཱམ་མཆོག་གིས་ ཝ་ཤིང་ཊཱོན་ཌི་སི་དེ་ གནས་སྐབས་ཅིག་ དམ་འཛིན་འབད་ནི་ཨིན་པའི་ གསལ་བསྒྲགས་འབད་མི་དང་འཁྲིལ་ཏེ་ ཁྲིམས་སྲུང་འགག་སྡེ་ལས་ཁུངས་ཀྱིས་ ཁྲོམ་སྡེའི་ནང་ རྒྱལ་ཡོངས་སྲུང་སྐྱོབ་དམག་མི་ ༨༠༠ བཀྲམ་སྤེལ་འབད་ནུག།

དེ་ཡང་ ཡུ་ཨེཛ་གི་རྒྱལ་ས་ ཝ་ཤིང་ཊཱོན་ཌི་སི་ལུ་ ཁྲིམས་འགལ་གྱི་ བྱ་ངན་འབད་མི་ ཡར་འཕར་འགྱོ་མི་དེ་ ཉེན་སྲུང་འབད་ཐབས་ལུ་ཨིན་ཟེར་ གསལ་བསྒྲགས་ནང་ བཀོད་ཡོདཔ་ཨིན་པས།

དུས་ཡུན་སྐར་མ་ ༧༨ ཀྱི་རིང་ལུ་ གནས་ཚུལ་ཞལ་འཛོམས་ཅིག་ ཚོགས་པའི་སྐབས་ལུ་ སྲིད་འཛིན་ཊཱམ་མཆོག་གིས་ ཀོ་ལུམ་བི་ཡའི་ རྫོང་ཁག་ནང་ གཞུང་གི་ཁ་ཐུག་ལས་ དམ་འཛིན་འབད་ཐབས་ལུ་ ཁྲོམ་སྡེའི་ཁྲིམས་སྲུང་འགག་སྡེ་གིས་ བྱ་ངན་འབད་མི་ཚུ་ འཚོལ་ཞིབ་འབད་ནི་ཨིན་པའི་ གསལ་བཤད་གནང་ནུག།

སྲིད་འཛིན་མཆོག་གིས་ རྒྱལ་ཁམས་ཀྱི་ རྒྱལ་ས་འདི་ བྱ་ངན་དང་ རྨ་བཏོན་ཁྲག་བཏོན་ གནས་སྟངས་སྐྱོ་དྲགས་ཚུ་ལས་ ཉེན་སྐྱོབ་འབད་ཐབས་ལུ་ འབྱུང་རབས་ཅན་གྱི་ ཐབས་ཤེས་སྟོན་དོ་ཡོད་པའི་སྐོར་ལས་ གསུངས་ནུག་ཟེར་ བཀོད་འདུག་པའི་གནས་ཚུལ།