སྐྱབས་རྗེ་རྗེ་མཁན་རིན་པོ་ཆེ་མཆོག་ ཧཱ་ལུ་ཆིབས་བསྐྱོད།

ད་རིས་ མེ་སྦྲུལ་ཟླཝ་ ༦ པའི་ཚེས་ ༢༤ སྤྱི་ཟླ་ ༨ པའི་ཚེས་ ༡༧ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་ ཧཱ་རྫོང་ཁག་གི་ སྨོན་ལམ་ཆེན་མོའི་ནང་ དབུ་བཞུགས་མཛད་ནིའི་དོན་ལས་ ཆིབས་བསྐྱོད་གནངམ་ཨིན་པས།

དེ་ཡང་ རང་ཟླ་ ༦ པའི་ཚེས་ ༢༥ སྤྱི་ཟླ་ ༨ པའི་ཚེས་ ༡༨ ལུ་ ཧཱ་རྫོང་ཁག་སྨོན་ལམ་ཆེན་མོའི་ མཆོད་ཁང་གསར་བསྒྲུབས་ལུ་ རབ་གནས་གནང་ནི་དང་ རང་ཟླ་ ༦ པའི་ཚེས་ ༢༦ ལུ་ གུ་རུ་ཐོད་ཕྲེང་རིགས་ལྔ་དང་ སངས་རྒྱས་སྨན་ལྷ་ སངས་རྒྱས་འོད་དཔག་མེད་ཚུ་གི་ བཀའ་དབང་གནང་ནི་གི་ ལས་རིམ་འདུག།

དེ་ལས་ རང་ཟླ་ ༦ པའི་ཚེས་ ༢༧ ལས་ ༢༩ སྤྱི་ཟླ་ ༨ པའི་ཚེས་ ༢༠ ལས་ ༢༢ ཚུན་ ཉིན་གྲངས་ ༣ གྱི་རིང་ལུ་ འཛམ་གླིང་ཞི་བདེའི་ སྨོན་ལམ་ཆེན་མོའི་ནང་ དབུ་བཞུ་མཛད་གནང་ནི་ཨིན་པའི་ གནས་ཚུལ་མདོར་བསྡུས།