མཐའ་ཡས་ལེན་གྱི་ བློན་ཆེན་བགྲེསཔ་ ཐག་སིན་གྱིས་ བརྙས་བཅོས་འབད་མི་ཉེས་གྲོལ།

བི་བི་སི།
སྤྱི་ཟླ་ ༨ པའི་ཚེས་ ༢༢ ལུ་ བེང་ཀོག་ཁྲིམས་འདུན་ལས་ མཐའ་ཡས་ལེན་གྱི་ བློན་ཆེན་བགྲེསཔ་ ཐག་སིན་ཤི་ནཱ་ཝ་ཏ་ར་གིས་ རྒྱལ་འཛིན་ལུ་ བརྙས་བཅོས་འབད་བའི་ ཁ་ཉེས་ཕོག་མི་དེ་ ཉེས་གྲོལ་བཏང་ནུག།
དེ་ཡང་ ལོ་ངོ་ ༡༠ གི་ཧེ་མར་ ཁོ་གིས་ ལྷོ་ཀོ་རི་ཡའི་ གསར་ཤོག་ཅིག་ནང་ རྒྱལ་གཞུང་གི་སྐོར་ལས་ གསལ་བཤད་འབད་བའི་ ཉེས་འཛུགས་བཀལ་ཡོདཔ་ད་ གལ་སྲིད་ ཁོ་ལུ་ ཉེས་འཛུགས་དེ་ བཀལ་བ་ཅིན་ ལོ་ངོ་ ༡༥ གི་ བཙོན་ཁྲིམས་ཕོག་ནི་ཨིན་པས།
མཐའ་ཡས་ལེན་གྱི་ ཁྲིམས་ལུགས་ནང་ རྒྱལ་འཛིན་ལུ་ བརྙས་བཅོས་འབད་མ་ཆོགཔ་སྦེ་ཡོད་རུང་ སྐྱོན་བརྗོད་འབད་མི་ཚུ་གིས་ རེ་ཚེ་སྐབས་ རྩོལ་འདོད་ཅན་དང་ སྲིད་དོན་གྱི་ རྒྱབ་འགལ་འབད་མི་ཚུ་ལུ་ དམིགས་གཏད་བསྐྱེད་དེ་ ལག་ལེན་འཐབ་དོ་ཡོདཔ་སྦེ་བཀོད་ནུག།
ཐག་སིན་ལུ་ ཉེས་འཛུགས་དེ་ སྤྱི་ལོ་ ༢༠༡༦ ལོར་ དམག་སྡེ་གཞུང་གིས་ མཐར་བཤུད་བཏང་མི་དང་འབྲེལ་ཏེ་ བཀལ་ཡོད་རུང་ འདས་པའི་ལོ་ནང་ ལོག་ལྷོད་པའི་ཤུལ་ལས་ ཁྲིམས་རྩོད་འབད་ནི་ འགོ་བཙུགས་ནུག་ཟེར་ བཀོད་འདུག་པའི་གནས་ཚུལ།

Please follow and like us: