ར་ཤི་ཡ་གིས་ ཌི་ནི་པོ་རོ་པེ་ཊོར་ཛིག་མངའ་སྡེའི་ནང་ འཛུལ་ཞུགས་འབད་མི་ལུ་ ཡུ་ཀེ་རེན་གྱིས་ ངོས་འཛིན་འབད་ཡོདཔ།

བི་བི་སི།

སྤྱི་ཟླ་ ༨ པའི་ཚེས་ ༢༧ ལུ་ ཡུ་ཀེ་རེན་གྱི་ དམག་མི་ཚུ་གིས་ ར་ཤི་ཡའི་ དམག་མི་ཚུ་ ཤར་ཕྱོགས་བཟོ་གྲྭའི་ལུང་ཕྱོགས་ ཌི་ནི་པོ་རོ་པེ་ཊོར་ཛིག་བརྒལ་ཏེ་ འཛུལ་ཞུགས་ཐོག་ལས་ རྐང་སྟེགས་གཞི་བཙུགས་འབད་ནི་གི་ དཔའ་བཅམ་ཡོད་པའི་ ངོས་འཛིན་བྱུང་ནུག།

དེ་ཡང་ ར་ཤི་ཡ་གིས་ གནམ་བྱཱར་གྱི་ དུས་ཚོད་ཁར་ ཌོ་ནིཛ་ལུང་ཕྱོགས་ལས་ ཡུ་ཀེ་རེན་གྱི་ ས་ཁོངས་ནང་ གཏིང་ཟབ་སྦེ་ འཛུལ་ནི་གི་ དཔའ་བཅམ་ནུག་ཟེར་ བཤདཔ་ཨིན་པས།

སྤྱི་ཟླ་ ༦ པའི་ནང་ ར་ཤི་ཡའི་ འགོ་དཔོན་ཚུ་གིས་ ཌི་ནི་པོ་རོ་པེ་ཊོར་ཛིག་ལུ་ འཛུལ་ཞུགས་འབད་ནི་ འགོ་བཙུགས་ཡོདཔ་སྦེ་ བཤད་ཡོད་རུང་ ཡུ་ཀེ་རེན་གྱི་ སྙན་ཞུ་ཅིག་ནང་ ལུང་ཕྱོགས་ས་མཚམས་ལས་ ཧ་ལམ་ཅིག་ར་ བརྒལ་མ་ཚུགས་པས་ཟེར་བཀོད་ནུག།

སྤྱི་ཟླ་འདི་ནང་ ར་ཤི་ཡའི་ དམག་མི་སྡེ་ཚན་ཆུང་ཀུ་ཅིག་ ཡུ་ཀེ་རེན་གྱི་ སྲུང་སྐྱོབ་ས་མཚམས་ལས་ ཀི་ལོ་མི་ཊར་ ༡༠ དེ་ཅིག་གི་ས་ཁར་ ཕར་འཕུལ་འབད་ཡོད་རུང་ ཡར་འཕར་འགྱོ་ནི་ལས་ བཀག་ཆ་འབད་ཡོད་པའི་ གསལ་སྟོན་བྱུང་ནུག་ཟེར་ བཀོད་འདུག་པའི་གནས་ཚུལ།