རྒྱ་པཱན་གྱི་ ཁྲོམ་སྡེ་ཅིག་ནང་ འགྲུལ་འཕྲིན་ལག་ལེན་ ཚད་འཛིན་འབད་ནི་གི་གྲོས་འཆར།

བི་བི་སི།

སྤྱི་ཟླ་ ༨ པའི་ཚེས་ ༢༨ ལུ་ རྒྱ་པཱན་གྱི་ ཨའི་ཅི་མངའ་ཁོངས་ཀྱི་ ཁྲོམ་ཚོགས་ཏོ་ཡོ་ཨ་ཀེའི་ གཞུང་སྐྱོང་གིས་ ཁྲོམ་ཚོགས་དེ་ནང་ མི་སེར་ ༦༩,༠༠༠ དེ་ཅིག་ཡོད་མི་ཚུ་ འགྲུལ་འཕྲིན་ལག་ལེན་འཐབ་ནི་ལུ་ ལང་ཤོར་ཐལ་ཡོད་པའི་སྐོར་ལས་ རྩོད་བསྡུར་སྦོམ་སྦེ་ར་ བྱུང་པའི་ཤུལ་ལུ་ འགྲུལ་འཕྲིན་དེ་ ཉིན་རེར་དུས་ཡུན་ཆུ་ཚོད་ ༢ རེ་ལས་ ལག་ལེན་འཐབ་ནི་མེདཔ་སྦེ་ ཚད་འཛིན་འབད་དགོ་པའི་ གྲོས་འཆར་བཀོད་ནུག།

ད་རེས་ དེ་བཟུམ་མའི་ གྲོས་འཆར་བཀོད་མི་དེ་ རྒྱ་པཱན་ལུ་ འགོ་དང་པ་ཨིན་པའི་ ཡིད་ཆེས་ཡོདཔ་ད་ གནད་དོན་དེ་གི་སྐོར་ལས་ ཁྲིམས་བཟོ་མི་ཚུ་གིས་ གྲོས་བསྡུར་འབད་བའི་བསྒང་ཡོདཔ་ཨིན་པས།

གྲོས་འཆར་དེ་ ཆ་འཇོག་གྲུབ་པ་ཅིན་ སྤྱི་ཟླ་ ༡༠ པའི་ནང་ལས་ ལག་ལེན་འཐབ་ནི་ཨིནམ་ད་ དེ་ཡང་ བློ་གསར་སློབ་ཕྲུག་ཚུ་གིས་ ཕྱི་རུའི་ཆུ་ཚོད་ ༩ ཚུན་དང་ སློབ་ཕྲུག་རྒས་ཤོས་ཚུ་གིས་ ཕྱི་རུ་ཆུ་ཚོད་ ༡༠ ཚུན་མ་གཏོགས་ ལག་ལེན་འཐབ་མི་ཆོག་ནི་ཨིན་པས་ཟེར་ བཀོད་འདུག་པའི་གནས་ཚུལ།