བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ ཁོ་རའི་བུམོ་དང་གཅིག་ཁར་ རྒྱ་ནག་ལུ་གཟིགས་སྐོར།

བི་བི་སི།

བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་དང་ ཁོ་རའི་བུམོ་ ཀིམ་ཇུ་ཨཱེ་དང་གཅིག་ཁར་ རྒྱ་ནག་དམག་སྡེའི་ རུ་སྒྲིག་འགྲེམ་སྟོན་སྦོམ་ཤོས་ནང་ བཅའ་མར་གཏོགས་ནིའི་དོན་ལས་ རྒྱ་ནག་གི་རྒྱལ་ས་ བེ་ཇིང་ལུ་ ཕེབས་ཡོདཔ་ཨིན་པས།

དེ་ཡང་ སྤྱི་ཟླ་ ༩ པའི་ཚེས་ ༣ ལུ་ རྒྱ་ནག་གི་ དགྲ་ཡི་ཕྱོགས་ལས་རྣམ་པར་རྒྱལ་བའི་ཉིནམ་ཟེར་མི་ བརྩི་སྲུང་ཞུ་སར་ རྒྱ་ནག་གི་སྲིད་འཛིན་ ཛི་ཇིན་པིང་དང་ཅིག་ཁར་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་དང་ འཛམ་གླིང་ནང་གི་ དབུ་ཁྲིད་གཞན་ཚུ་གིས་ཡང་ གྲལ་གཏོགས་འབད་ནུག།

སྲིད་འཛིན་ཀིམ་མཆོག་ ཁོ་རའི་བུམོ་དང་གཅིག་ཁར་ ཉེན་སྲུང་དང་ལྡན་པའི་ རེ་ལིའི་ནང་སྦེ་ བེ་ཇིང་རེལ་ལིའི་ འབབ་ཚུགས་བརྒྱུད་དེ་ བྱོན་ཡོདཔ་ད་ ལྷོ་ཀོ་རི་ཡའི་ གསང་བའི་ལས་སྡེ་གིས་ ཁོ་གི་བུམོ་དེ་ ཁོ་རའི་ཤུལ་འཛིན་པ་ཨིན་ཟེར་ བཤདཔ་ཨིན་པས།

དམག་སྡེའི་རུ་སྒྲིག་འགྲེམ་སྟོན་དེ་ འཛམ་གླིང་དམག་ཆེན་གཉིས་པ་ མཇུག་བསྡུ་བའི་སྐབས་ལུ་ རྒྱ་པཱན་གྱིས་ གཞུང་འབྲེལ་ཐོག་ལས་ ཕམ་ཁ་ལེན་ཏེ་ མི་ལོ་ ༨༠ འཁོར་བའི་ དུས་དྲན་སྦེ་ འགོ་འདྲེན་འཐབ་ནུག་ཟེར་ བཀོད་འདུག་པའི་གནས་ཚུལ།