ཨཕ་གྷ་ནིཛ་ཏཱན་ལུ་ ས་ཡོམ་ལན་ཐེངས་ ༣ པ་ རྐྱབ་ཡོདཔ་ལས་ ཤི་རྐྱེན་ཡར་སེང་།

བི་བི་སི།
ཨཕ་གྷ་ནིཛ་ཏཱན་གྱི་ ཤར་ལྷོའི་ས་གནས་ མཐའ་ཟུར་ཅིག་ནང་ ས་ཡོམ་རྐྱབ་ཡོདཔ་ལས་ ཤི་རྐྱེན་བྱུང་མི་ ཡར་སེང་འགྱོ་བའི་བར་ན་ སྤྱི་ཟླ་ ༩ པའི་ཚེས་ ༤ གི་ཕྱི་རུ་ ད་རུང་ཡང་ ས་ཡོམ་ཤུགས་ཚད་ ༥.༦ འབད་མི་ཅིག་ རྐྱབ་ཡོད་མི་དེ་ ཉིནམ་ ༦ གི་ ནང་འཁོད་ལུ་ ས་ཡོམ་ལན་ཐེངས་ ༣ པ་ཨིན་པས།
ས་ཡོམ་དེ་ ནཱང་གར་ཧར་དང་ ཀུ་ནར་མངའ་སྡེའི་ནང་ ས་གནས་ཀྱི་ ཕྱི་རུའི་ཆུ་ཚོད་ ༨.༥༦ ལུ་ རྐྱབ་ཡོདཔ་ལས་ མི་ཚུ་འདྲོག་བྱེལ་འཐབ་སྟེ་ སྡོད་ཁྱིམ་ནང་ལས་ ཐོན་ཡར་སོང་ནུག།
གཡུས་ཚན་ ༢༥ ལས་ སྙན་ཞུ་ཚུ་ ལྷོད་ཡོད་མི་དང་འཁྲིལ་ཏེ་ འཛམ་གླིང་སྤྱི་ཚོགས་ཀྱི་ འགྲོ་བ་མིའི་འགོ་འདྲེན་ལས་དོན་གྱིས་ སྤྱི་ཟླ་ ༨ པའི་ཚེས་ ༣༡ ལུ་ ས་ཡོམ་རྐྱབ་མིའི་ནང་ མི་གྲངས་ ༡,༣༦༨ ལུ་ ཤི་རྐྱེན་དང་ གཞན་མི་ ༢,༡༨༠ ལུ་ རྨ་སྐྱོན་བྱུང་ཡོདཔ་སྦེ་ བཤདཔ་ཨིན་པས།
ཨཕ་གྷ་ནིཛ་ཏཱན་དེ་ རྒྱ་གར་དང་ ཡུ་རེ་ཤི་ཡའི་ ས་ཁོངས་ཁ་འཕྱལ་འགྱོ་མི་ ས་འོག་མཐུད་མཚམས་གུ་ ཆགས་ཏེ་ཡོདཔ་ལས་ ས་ཡོམ་གྱི་ ཉེན་ཁ་སྦོམ་སྦེ་ར་ འབྱུང་སྲིད་ཟེར་ བཀོད་འདུག་པའི་གནས་ཚུལ།

Please follow and like us: