ནིའུ་ཟི་ལེན་ལུ་ རང་གི་ཨ་ལོ་ ༢ དམར་བསད་འབད་བའི་ ཉེས་འཛུགས་ཀྱི་རྩོད་བཤེར།

བི་བི་སི།
ནིའུ་ཟི་ལེན་ལུ་ ཨམ་སྲུ་ཅིག་གིས་ མོ་རའི་ཨ་ལོ་ ༢ དམར་བསད་འབད་དེ་ རོ་དེ་ཚུ་ ཆས་སྒམ་ཚུ་ནང་ སྦ་བཞག་ཡོད་པའི་ ཉེས་འཛུགས་ཐོག་ལུ་ རྩོད་བཤེར་འགོ་བཙུགས་ཡོད་མི་དེ་ དར་ཁྱབ་ཆེ་བའི་ གནད་དོན་ཅིག་ལུ་ གྱུར་ཡོདཔ་ལས་ རྒྱལ་ཁབ་ནང་གི་ མི་སེར་ཚུ་ག་ར་ རྣམ་རྟོག་ལང་དགོཔ་བྱུང་ནུག།
དེ་ཡང་ ཉེས་འཛུགས་ ༢ ཕོག་མི་ ཨམ་ཧག་ཡུང་ལི་དེ་ སྤྱི་ལོ་ ༢༠༢༢ ལུ་ ལྷོ་ཀོ་རི་ཡ་ལས་ ཁྲིམས་མཐུན་འཛིན་བཟུང་ཐོག་ལས་ ནིའུ་ཟི་ལེན་ལུ་ བསྐྱལ་ཡོདཔ་ད་ མོ་གིས་ ཁྲིམས་འདུན་ལུ་ ཞུ་དོ་བཟུམ་འབད་བ་ཅིན་ མོ་ལུ་ ཉེས་པ་མེད་ཟེར་ཨིན་པས།
ཨམ་ཧག་ཡུང་ལི་གིས་ ཨ་ལོ་ ༢ ཀྱི་ཕུངམོ་དེ་ ཨོག་ལེན་ལུ་ མཛོད་ཁང་བཀོ་བཞག་མི་ཅིག་གི་ ཅ་ཆས་ཚུ་ རིན་བསྡུར་ཐོག་ལས་ བཙོང་པའི་སྐབས་ལུ་ ཅ་ཆས་ཚུ་ཉོ་མི་ བཟའ་ཚང་ཅིག་གིས་ ཉོ་འབག་པའི་སྐབས་ལུ་ ཆས་སྒམ་ཚུ་གི་ནང་ལས་ ཐོབ་ཡོདཔ་ད་ ཕུངམོ་ཚུ་ཡང་ ལོ་ངོ་དག་པ་ཅིག་གི་རིང་ལུ་ མཛོད་ཁང་དེ་ནང་ སྦ་བཞག་ཡོད་པའི ཡིད་ཆེས་བསྐྱེད་ནུག།
ཁྲིམས་འདུན་གྱིས་ སྤྱི་ཟླ་ ༩ པའི་ཚེས་ ༨ ལུ་ རྩོད་བཤེར་ཕྱེ་ནི་ འགོ་བཙུགས་ཡོདཔ་ད་ རྩོད་བཤེར་དེ་ཡང་ བདུན་ཕྲག་ ༤ དེ་ཅིག་ འགོར་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: