མི་རྗེ་བློན་ཆེན་གྱིས་ ཡུ་ཨེཛ་ལུ་ ཚོང་འབྲེལ་གྱི་གསུང་གྲོས།

སྤྱི་ཟླ་ ༩ པའི་ཚེས་ ༢༢ ལུ་ མི་རྗེ་བློན་ཆེན་མཆོག་ ཡུ་ཨེཛ་གི་ ཚོངའབྲེལ་ཚོགས་སྡེའི་ སྐུ་ཚབ་དང་ ཆེ་རིམ་གཙོ་འཛིན་འོགམ་ ཨ་ཏུལ་ཀེ་ཤབ་ཀྱིས་ འགོ་ཁྲིད་ཐོག་ལུ་ བཀོད་ཁྱབ་འགོ་དཔོན་ཚུ་དང་ ཚོང་འབྲེལ་སྐོར་ལས་ གསུང་གྲོས་ཀྱི་དོན་ལུ་ ཝ་ཤིང་ཊཱོན་ཌི་སི་ལུ་ བྱོན་ཡོདཔ་ཨིན་པས།

མི་རྗེ་བློན་ཆེན་གྱིས་ གསུང་གྲོས་དེ་ཡང་ དྲན་ཤེས་ཅན་གྱི་ ཡར་འཕར་གྱི་ གཞི་རྩ་ལུ་བརྟེན་པའི་ འབྲུག་གི་དཔལ་འབྱོར་གཞི་སྒྱུར་ཚུ་གི་སྐོར་ལས་ གཙོ་བོར་བཟུང་སྟེ་གནང་ཡོདཔ་ད་ ཨ་མི་རི་ཀའི་ སྒེར་སྡེ་ཚུ་དང་གཅིག་ཁར་ དངུལ་འབྲེལ་ཞབས་ཏོག་དང་ གཞི་རྟེན་མཁོ་ཆས་ བལྟ་བཤལ་ སླར་བྱུང་ནུས་ཤུགས་ཚུ་ནང་ མཉམ་འབྲེལ་གྱི་ གོ་སྐབས་ཚུ་ཡང་ འཚོལ་ཞིབ་གནང་ནུག།

དེ་མ་ཚད་ མི་རྗེ་བློན་ཆེན་གྱིས་ ཡུ་ཨེཛ་གཞུང་གི་ ཆེ་མཐོའི་འགོ་དཔོན་ཚུ་དང་ཡང་ མཇལ་ཕྲད་མཛད་ཡོད་པའི་གནས་ཚུལ།