ར་ཤི་ཡ་གིས་ ཡུ་ཀེ་རེན་དང་ ཕྱད་མདའ་འཕྲོ་མཐུད་རྐྱབ་ནི་ལས་ གདམ་ཁ་མེདཔ་སྦེ་བཤད་ཡོདཔ།

ཨལ་ཇ་ཛི་ར།

སྤྱི་ཟླ་ ༩ པའི་ཚེས་ ༢༤ ལུ་ ཡུ་ཨེཛ་གི་སྲིད་འཛིན་ ཌོ་ནཱལ་ཊམ་གྱིས་ ཧང་ཏོམ་མར་ ཡུ་ཀེ་རེན་གྱི་ ཁ་ཐུག་ལུ་ བྱ་སྤྱོད་ཚུ་ བསྒྱུར་བཅོས་འབད་དེ་ ར་ཤི་ཡ་ལུ་ དམའ་ཕབ་ཀྱི་སྒོ་ལས་ སྟོབས་ཤུགས་མེད་ཟེར་ བཤད་པ་ལུ་བརྟེན་ཏེ་ ར་ཤི་ཡ་གཞུང་གིས་ དམག་འཁྲུག་དེ་ འཕྲོ་མཐུད་རྐྱབ་ནི་ལས་ གདམ་ཁ་གཞན་མེད་པའི་ གསལ་བསྒྲགས་འབད་ཡོདཔ་ཨིན་པས།

དེ་ཡང་ སྲིད་འཛིན་ཊམ་གྱིས་ དམག་འཁྲུག་དེ་ཁ་ལས་ ཡུ་ཀེ་རེན་གྱིས་ རྒྱལ་ཁ་ཡང་ འཐོབ་ཚུགས་ཟེར་ བཤད་ཡོདཔ་ལས་ ར་ཤི་ཡ་གིས་ གསལ་བསྒྲགས་འབད་མིའི་ནང་ དམིགས་ཡུལ་དང་ འདོད་དོན་མ་འགྲུབ་ཚུན་ འཕྲོ་མཐུད་དེ་ར་ ཕྱད་མདའ་རྐྱབ་ནི་ཨིན་ཟེར་བཀོད་ནུག།

དེ་སྦེ་ ཕྱད་མདའ་འཕྲོ་མཐུད་དེ་ར་ རྐྱབ་ནི་ལས་ གདམ་ཁ་གཞན་མེད་མི་དེ་ཡང་ རྒྱལ་ཁབ་དང་ མ་འོངས་བུ་བརྒྱུད་ཚུ་གི་དོན་ལུ་ཨིན་ཟེར་ བཀོད་ཡོདཔ་ཨིན་པས།

ར་ཤི་ཡ་ལས་ ཡུ་ཀེ་རེན་གྱིས་ རྒྱལ་ཁ་འཐོབ་ནི་ཨིནམ་སྦེ་ སྲིད་འཛིན་ཊམ་གྱིས་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛི་ཀི་དང་ མཇལ་ཕྲད་མཛད་པའི་སྐབས་ལུ་ བཤད་ནུག་ཟེར་ བཀོད་འདུག་པའི་གནས་ཚུལ།