ཨིང་ལེན་གྱི་ གཙུག་ལག་སློབ་སྡེ་ཚུ་ནང་ འདོད་སྤྱོད་ཀྱི་ བརྟག་ཞིབ་སྙན་ཞུ་གསལ་སྟོན།

བི་བི་སི།་
སྤྱི་ཟླ་ ༩ པའི་ཚེས་ ༢༥ ལུ་ སློབ་ཕྲུག་ཚུ་གི་ ཡིག་ཚང་ལས་ བཤད་དོ་བཟུམ་འབད་བ་ཅིན་ ཨིང་ལེན་གྱི་ གཙུག་ལག་སློབ་སྡེ་ཚུ་ནང་ འདོད་སྤྱོད་ཀྱི་སྐོར་ལས་ བརྟག་ཞིབ་འབདཝ་ད་ སློབ་ཕྲུག་སྟོང་ཕྲག་ལས་བཅད་མི་ཚུ་ལུ་ འདོད་སྤྱོད་ཀྱི་ གནོད་འཚེ་ཡོད་པའི་ གསལ་སྟོན་བྱུང་ཡི་ཟེར་ཨིན་པས།
དེ་ཡང་ སློབ་ཕྲུག་བརྒྱ་ཆ་ ༡༤ ལུ་ དབང་བཙོང་འདོད་སྤྱོད་དང་ ལགཔ་ག་ལྷོད་དཀྲོགས་མི་ཚུ་ཨིནམ་ད་ མ་གཞི་ སྤྱིར་བཏང་ལུ་ ཕོ་སྐྱེས་ཚུ་དང་ཕྱདཔ་ད་ ཨམ་སྲུ་དང་ མཚན་མ་གཅིག་འབྲེལ་གྱི་ སློབ་ཕྲུག་ཚུ་ལུ་ འདོད་སྤྱོད་ཀྱི་ གནོད་པ་དང་ རྩུབ་སྤྱོད་གཉིས་ཆ་ར་ མྱོང་ཡོདཔ་སྦེ་བཀོད་ནུག།
ཨིང་ལེན་ལུ་ མཐོ་རིམ་ཤེས་ཚད་ མཐར་འཁྱོལ་མི་ སློབ་ཕྲུག་ཆ་མཉམ་ལུ་ བརྟག་ཞིབ་ཀྱི་ འབྲི་ཤོག་དེ་ བཀང་དགོཔ་སྦེ་ སླབ་ཡོདཔ་ལས་ སློབ་ཕྲུག་སྟོང་ཕྲག་ ༥༢,༠༠༠ དེ་ཅིག་གིས་ ལན་གསལ་བཀོད་ཡོདཔ་ཨིན་པས།
འབྲི་ཤོག་དེ་ནང་ མཚན་མ་གཅིག་འབྲེལ་གྱི་ སློབ་ཕྲུག་བརྒྱ་ཆ་ ༤༧ དང་ མཚན་མ་སོ་སོའི་ སློབ་ཕྲུག་བརྒྱ་ཆ་ ༢༢ ལུ་ འདོད་སྤྱོད་ཀྱི་ གནོད་འཚེ་བྱུང་ཡོད་པའི་ སྙན་ཞུ་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: