ཨིཛ་རེལ་དམག་མི་ཚུ་གིས་ ག་ཟའི་ས་ཁོངས་ནང་ མི་གྲངས་ ༦༠ དེ་ཅིག་དམར་བསད།

ཨཱལ་ཇ་ཟི་ར།
ནིའུ་ཡོག་ལུ་ ཨིཛ་རེལ་གྱི་བློན་ཆེན་ བེན་ཇ་མིན་ ནེ་ཐ་ན་ཡ་ཧུ་གིས་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་ཞལ་འཛོམས་ནང་ ཧ་མཱཛ་དང་གཅིག་ཁར་ དམག་འཁྲུག་མཇུག་བསྡུ་ནི་ཨིན་པའི་ ཁས་བླངས་འབད་ནུག།
དེ་འབདཝ་ད་ སྤྱི་ཟླ་ ༩ པའི་ཚེས་ ༢༦ ལུ་ར་ ཨིཛ་རེལ་དམག་སྡེ་གིས་ པེ་ལེཛ་ཊིན་གྱི་ས་ཁོངས་ ག་ཟ་ལུ་ གནོད་འཚུབ་བཀལ་ཏེ་ མི་གྲངས་ ༦༠ དེ་ཅིག་ དམར་བསད་འབད་ནུག་ཟེར་ཨིན་པས།
དེ་མ་ཚད་ ཨཱལ་ཝེ་དཱ་ཁྲོམ་ལམ་དང་ ཤ་ཏི་སྡོད་སྒར་ དེ་ལས་ ནཱཛ་སར་ཁྱིམ་ཚང་ཚུ་བརྩིས་ཏེ་ ས་གནས་ལེ་ཤ་ཅིག་གི་ནང་ཡང་ གནོད་འཚུབ་བཀལ་བའི་ཁར་ ཁྲོམ་སྡེའི་ནུབ་ཕྱོགས་ལུ་ཡོད་མི་ སྡོད་ཁྱིམཅིག་ལུ་ཡང་ གནོད་སྐྱོན་རྐྱབ་ཡོདཔ་སྦེ་བཀོད་ནུག།
དེ་བཟུམ་མའི་ གནོད་འཚུབ་ཚུ་ཡང་ ཉེན་བརྡ་ག་ནི་ཡང་མེད་པར་ བཀལ་ཡོདཔ་སྦེ་ བཤད་ཡོདཔ་ད་ པེ་ལེཛ་ཊིན་ མི་སེར་ཚུ་གིས་ གནོད་སྐྱོན་བྱུང་མི་ ཁྱིམ་ཤུལ་རག་རོ་ཚུ་གི་ནང་ལས་ཐོབ་མི་ མི་རོ་ཚུ་ སྨན་བཅོས་སྡེ་ཚན་གྱིས་ འབག་སོང་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: