རྒྱ་གར་ལུ་ གློ་སྨན་མངར་ཁུ་འཐུང་པའི་ཤུལ་ལས་ ཨ་ལོ་དག་པ་ཅིག་ལུ་ཤི་རྐྱེན།

བི་བི་སི།

སྤྱི་ཟླ་ ༩ པའི་ནང་ རྒྱ་གར་གྱི་མངའ་སྡེ་ མ་དེ་ཡ་པར་དེཤ་གི་ ཁྲོམ་ཆུང་ཅིག་ནང་ རྒྱུ་མཚན་མ་ཤེས་པར་ ཨ་ལོ་ཚུ་ལུ་ ཤི་རྐྱེན་བྱུང་ཡོདཔ་ལས་ ས་གནས་ཀྱི་ གསོ་བའི་ལས་བྱེདཔ་ཚུ་ འུར་འབྱེལ་འཐབ་དགོཔ་ བྱུང་ཡོདཔ་ཨིན་པས།

དེ་ཡང་ སྐྱེས་ལོ་ ༡ ལས་ ༦ གི་བར་ན་འབད་མི་ ཨ་ལོ་ ༡༡ དེ་ཅིག་ སྤྱིར་བཏང་གློ་སྨན་ མངར་ཁུ་འཐུང་པའི་ཤུལ་ལས་ ཉིན་གྲངས་དག་པ་ཅིག་གི་ ནང་འཁོད་ལུ་ ཤི་རྐྱེན་བྱུང་ནུག།

མ་གཞི་ འགོ་དཔོན་ཚུ་གིས་ བདེན་པ་མ་ཤེས་པའི་ཧེ་མར་ ཆུ་འཐུང་མི་ལས་ འགོ་བཙུགས་ཏེ་ བརྟག་དཔྱད་འབད་བའི་ཤུལ་ལུ་ མཁལ་རྡོག་མེདཔ་ཐལ་ཡོད་པའི་ ངོས་འཛིན་བྱུང་ནུག།

གནད་དོན་དེ་ལུ་བརྟེན་ཏེ་ བདུན་ཕྲག་དག་པ་ཅིག་གི་ཤུལ་ལས་ ལྷོ་ཕྱོགས་ཁྲོམ་སྡེ་ ཅེན་ནའི་ལུ་ མངའ་སྡེའི་བརྟག་དཔྱད་ཁང་གིས་ གློ་སྨན་མང་རཆུའི་ནང་ དུག་རྫས་ཌའི་ཐི་ལིན་ གེ་ལི་ཀཱོལ་ཟེར་མི་ བརྒྱ་ཆ་ ༤༨.༦ ཡོདཔ་སྦེ་ ངོས་འཛིན་བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།