སུའི་ཛར་ལེན་ སྤྱི་ཚོགས་ཀྱི་ འཐུས་མི་སྡེ་ཚན་ཅིག་ མི་རྗེ་བློན་ཆེན་གྱི་ སྐུ་མདུན་ལུ་བཅར་ཡོདཔ།

པདྨ་དབང་འདུས།
སྤྱི་ཟླ་ ༡༠ པའི་ཚེས་ ༡༣ ལུ་ སུའི་ཛར་ལེན་གྱི་འཐུས་དཔོན་ ཕེ་བི་ཡཱན་མོ་ལི་ན་གིས་ འགོ་ཁྲིད་ཐོག་ལུ་ སུའི་ཛར་ལེན་ སྤྱི་ཚོགས་ཀྱི་ འཐུས་མི་སྡེ་ཚན་ཅིག་ མི་རྗེ་བློན་ཆེན་གྱི་ སྐུ་མདུན་ལུ་ བཅར་ཡོདཔ་ཨིན་པས།
དེ་བསྒང་ འབྲུག་དང་ སུའི་ཛར་ལེན་གྱི་བར་ན་ ལོ་ངོ་བཅུ་ཕྲག་ ༤ གི་རིང་ལུ་ཡོད་མི་ དོན་གཅོད་མཐུན་འབྲེལ་དང་ ཡུན་རིང་གི་མཐུན་ལམ་དང་ མཉམ་འབྲེལ་ཚུ་གི་སྐོར་ལས་ གསུང་གྲོས་ཚུ་ གནང་ཡོད་པའི་ནང་ལས་ གནད་དོན་གཙོ་བོ་ར་ ཟུང་ཕྱོགས་མཐུན་འབྲེལ་དང་ འབྲུག་གི་མཐའ་འཁོར་གནས་སྟངས་དང་ གནམ་གཤིས་འགྱུར་བའི་ ལག་ལེན་ཡར་འཕེལ་ དེ་ལས་ དམངས་གཙོའི་རིང་ལུགས་ཀྱི་ མདུན་བསྐྱོད་ཚུ་གི་སྐོར་ལས་གནང་ནུག།
དེ་མ་ཚད་ རྒྱལ་ཁབ་གཉིས་ཆ་རའི་ཧོངས་ལས་ མ་འོངས་པའི་ལོ་ཚུ་ནང་ མཉམ་འབྲེལ་གཏིང་ཟབ་བཟོ་ནི་ལུ་ཡང་ ཁས་ལེན་ཡོད་ལུགས་ཚུ་ བསྐྱར་གསོ་གནང་ཡོད་པའི་ གནས་ཚུལ་མདོར་བསྡུས།

Please follow and like us: