མི་དབང་མཆོག་གིས་ མཁོ་ཐང་ཁ་དང་ རྒྱ་མཚོ་གླིང་ རྒྱལ་སྲུང་སྦྱོང་བརྡར་སྤེལ་ཁང་ཚུ་ནང་ཆིབས་བསྐྱོད་།

སྤྱི་ཟླ་ ༡༠ པའི་ཚེས་ ༡༨ ལུ་ མི་དབང་མངའ་བདག་རིན་པོ་ཆེ་མཆོག་གིས་ མཁོ་ཐང་ཁ་དང་ རྒྱ་མཚོ་གླིང་ རྒྱལ་སྲུང་སྦྱོང་བརྡར་སྤེལ་ཁང་ཚུ་ནང་ ཆིབས་བསྐྱོད་གནང་སྟེ་ ད་རེས་ སྦྱོང་བརྡར་འབད་བའི་བསྒང་ཡོད་མི་ སྤྱི་ལོ་ ༢༠༢༥ ལོའི་ སྡེ་ཚན་གཉིས་པའི་ རྒྱལ་སྲུངཔ་ཚུ་དང་ མཇལ་ཕྲད་མཛད་གནང་ནུག། 

དེ་ཡང་ སྤྱི་ལོ་ ༢༠༢༥ གི་ རྒྱལ་སྲུངཔ་སྡེ་ཚན་གཉིས་པའི་ སྦྱོང་བརྡར་དེ་ སྦྱོང་བརྡར་སྤེལ་ཁང་ ༤ ཆ་རའི་ནང་ སྦྱོང་བརྡར་བ་བསྡོམས་ ༢༠༡༣ གྱི་དོན་ལུ་ སྤྱི་ཟླ་ ༨ པའི་ཚེས་ ༡ ལས་ འགོ་བཙུགས་ཡོདཔ་ད་ སྤྱི་ལོ་ ༢༠༢༤ སྤྱི་ཟླ་ ༩ པའི་ནང་ལས་ སྦྱོང་བརྡར་དེ་ འགོ་བཙུགས་ཞིནམ་ལས་ཚུར་ ད་ཚུན་གྱི་བར་ན་ འབྲུག་གི་ན་གཞོན་ ༦,༣༣༡ གིས་ རྒྱལ་ཡོངས་ཞབས་ཏོག་སྦྱོང་བརྡར་ནང་ལས་ མཐར་འཁྱོལ་ཡོད་པའི་ གནས་ཚུལ་མདོར་བསྡུས།

Please follow and like us: