ཏཱ་ཡེ་ཝཱན་ལུ་ གསང་ཞིབ་ཀྱི་ ལཱ་འབད་མི་ རྒྱ་ནག་གི་ མི་ཁུངས་ ༡ འཛིན་བཟུང་།

རོའི་ཊརཛ།

སྤྱི་ཟླ་ ༡༡ པའི་ཚེས་ ༡༨ ལུ་ ཏཱ་ཡེ་ཝཱན་གཞུང་གིས་ བཤད་དོ་བཟུམ་འབད་བ་ཅིན་ གསང་ཞིབ་ཀྱི་ ལཱ་འབད་བའི་ དོགས་པ་ལུ་བརྟེན་ཏེ་ རྒྱ་ནག་གི་ མི་ཁུངས་ ༡ འཛིན་བཟུང་འབད་ཡི་ཟེར་ཨིན་པས།

དེ་ཡང་ སྒྲིག་གཡོག་ནང་ཡོད་མི་ དམག་མི་དང་ དགོངས་ཞུ་འབད་མི་ དམག་མི་ཚུ་གི་ གསང་བའི་བརྡ་དོན་ཚུ་ བསྡུ་ལེན་འབད་ཐབས་ལུ་ཨིནམ་ལས་ ཏཱ་ཡེ་ཝཱན་གཞུང་གིས་ མཚོ་གླིང་དེ་ནང་ གསང་ཞིབ་ཀྱི་ལཱ་ ཡར་སེང་འགྱོ་མི་ཚུ་ བཀག་དམ་འབད་ནི་གི་ ཐབས་ཤེས་ཚུ་ སྟོན་དགོཔ་སྦེ་བཀོད་ནུག།

དྲང་ཁྲིམས་ལྷན་ཁག་ ཞིབ་དཔྱད་ཡིག་ཚང་ལས་ བཤད་དོ་བཟུམ་འབད་བ་ཅིན་ བཟའ་ཚང་གི་མིང་ ཌིང་ཟེར་མི་དེ་ ཧོང་ཀོང་ལུ་སྡོད་མི་ རྒྱ་ནག་གི་ མི་ཁུངས་ཨིན་པའི་ ངོས་འཛིན་བྱུང་ཡོདཔ་ད་ ཁོ་གིས་ རྒྱ་ནག་དམག་སྡེའི་ བཀོད་བྱ་དང་འཁྲིལ་ཏེ་ གསང་བའི་བརྡ་དོན་ཚུ་ བསྡུ་ལེན་འབད་ཡོད་པའི་སྐོར་ལས་ བཤད་ཡོདཔ་ཨིན་པས།

དེ་མ་ཚད་ ངོ་མིང་ཌིང་གིས་ དགོངས་ཞུ་འབད་མི་ དམག་མིའི་འགོ་དཔོན་ ༢ ཡང་ གསང་ཞིབ་སྡེ་ཚན་གྱི་ འཐུས་མི་གཙོ་བོ་སྦེ་ བསྐོ་བཞག་འབད་ཡོད་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།