པ་ཀིཛ་ཏཱན་ལུ་ རང་སྲོག་བཅད་ཐོག་ལས་ རྫས་བམ་འགས་བཅུག་མིའི་ནང་ སྲུང་སྐྱོབ་འགོ་དཔོན་ ༣ ལུ་ཤི་རྐྱེན།

བི་བི་སི།

སྤྱི་ཟླ་ ༡༡ པའི་ཚེས་ ༢༤ ལུ་ རང་སྲོག་བཅད་མི་ ༢ ཀྱིས་ རྫས་བམ་འགས་བཅུག་སྟེ་ པ་ཀིཛ་ཏཱན་གྱི་ ཞི་བའི་དམག་སྡེའི་ གཙོ་ཁང་ཅིག་ནང་ གནོད་འཚུབ་བཀལ་བའི་ རྐྱེན་ངན་ནང་ སྲུང་སྐྱོབ་འགོ་དཔོན་ ༥ ལུ་ ཤི་རྐྱེན་དང་ གཞན་མི་ ༡༢ ལུ་ རྨ་སྐྱོན་བྱུང་ནུག།

དེ་ཡང་ ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ པ་ཀིཛ་ཏཱན་ པེ་ཤ་ཝར་ལུ་ཡོད་མི་ སྤྱི་གཞུང་འགག་སྡེའི་ ཡིག་ཚང་གཙོ་ཁང་ནང་ གནོད་འཚུབ་བཀལ་ཡོད་མིའི་སྐོར་ལས་ སྡེ་ཚན་ག་གིས་ཡང་ ཁས་ལེན་འབད་མ་བཏུབ་ཟེར་ཨིན་པས།

སྤྱི་གཞུང་འགག་སྡེའི་ ཡིག་ཚང་གཙོ་ཁང་དེ་ པེ་ཤ་ཝར་ལུ་ ཉེན་སྲུང་མཐོ་དྲགས་ཡོད་མི་ ས་ཁོངས་ནང་ ཆགས་ཏེ་ཡོདཔ་ལས་ དྲག་རྒོལ་འབད་མི་ཚུ་གིས་ ཉེན་སྲུང་གི་ གནས་རིམ་ལེ་ཤ་ཅིག་ལུ་ར་ གནོདཔ་བཀལ་ཡོདཔ་སྦེ་བཀོད་ནུག།

མི་སེར་ཚུ་གིས་ ས་གནས་ཀྱི་ བརྡ་བརྒྱུདཔ་ཚུ་ལུ་ སྤྱི་ཟླ་ ༡༡ པའི་ཚེས་ ༢༤ གི་དྲོ་པར་ ཆུ་ཚོད་ ༨ དེ་ཅིག་ཁར་ རྫས་བམ་སྦོམ་ ༢ འགས་པའི་ སྐད་གོ་ཡོདཔ་སྦེ་བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།