མི་རྗེ་བློན་ཆེན་གྱིས་ ཨོ་མཱན་གྱི་ མི་དབང་རྒྱལཔོ་མཆོག་གི་ སྐུ་མདུན་ལུ་བཅར་ཡོདཔ།

པདྨ་དབང་འདུས།

སྤྱི་ཟླ་ ༡༢ པའི་ཚེས་ ༢ ལུ་ མི་རྗེ་བློན་ཆེན་གྱིས་ ཨཱལ་བ་ར་ཀ་ཕོ་བྲང་ནང་སྦེ་ མི་དབང་རྒྱལཔོ་ སུལ་ཏཱན་ ཧའི་ཐཱམ་བིན་ཏ་རིག་མཆོག་གི་ སྐུ་མདུན་ལུ་ བཅར་ཡོདཔ་ཨིན་པས།

དེ་བསྒང་ རྒྱལ་ཁབ་ ༢ ཀྱི་བར་ན་ མཉམ་འབྲེལ་ཡར་དྲག་གཏང་ནི་དང་ དཔལ་འབྱོར་གྱི་ ལས་དོན་སྣ་མང་དང་ ཡུན་བརྟན་གོང་འཕེལ་གྱི་དོན་ལུ་ མཐའ་དོན་གཅིག་པའི་ ཁེ་ཕན་ཚུ་ སྒྲུབ་ཐབས་ལུ་དམིགས་ཏེ་ དཔལ་འབྱོར་དང་ ཚོང་འབྲེལ་ལས་སྡེ་ གཙོ་བོ་ཚུ་ནང་ མ་རྩ་གཞི་བཙུགས་ཀྱི་ མཉམ་འབྲེལ་རྒྱ་སྐྱེད་ཚུ་གི་སྐོར་ལས་ གསུང་གྲོས་བྱུང་དུག།

མི་རྗེ་བློན་ཆེན་མཆོག་ ཨོ་མཱན་ལུ་ བཞུགས་རིང་གར་ ཕྱི་འབྲེལ་བློན་པོ་དང་ ཚོང་འབྲེལ་བློན་པོ་ ཁྱིམ་བཟོ་བློན་པོ་ དེ་ལས་ རྒྱལ་འཛིན་འཛིན་སྐྱོང་སྤེལ་ཁང་དང་ ཨོ་མཱན་མ་རྩ་གཞི་བཙུགས་དབང་འཛིན་གྱི་ འགོ་དཔོན་ཚུ་དང་ མཇལ་ཕྲད་མཛད་ཡོད་པའི་གནས་ཚུལ།