མེག་སི་ཀོའི་ མཚོ་དམག་གི་ གནམ་གྲུ་ཆུང་ཀུ་ཅིག་ལུ་ ཐུག་རྐྱེད་བྱུང་མིའི་ནང་ མི་ ༥ ལུ་ཤི་རྐྱེན།

ཨེ་བི་སི།

སྤྱི་ཟླ་ ༡༢ པའི་ཚེས་ ༢༢ ལུ་ མེག་སི་ཀོའི་ མཚོ་དམག་གི་ གནམ་གྲུ་ཆུང་ཀུ་ཅིག་ ཊེག་སཱཛ་གི་ས་གནས་ གཱལ་ཝེཛ་ཊཱོན་གྱི་ རྒྱ་མཚོའི་མཐའ་མར་ ཐུག་རྐྱེན་བྱུང་ཡོདཔ་ལས་ མི་གྲངས་ ༥ ལུ་ ཤི་རྐྱེན་བྱུང་ནུག།

དེ་ཡང་ མེག་སི་ཀོའི་ མཚོ་དམག་གིས་ བཤད་དོ་བཟུམ་འབད་བ་ཅིན་ དེ་བསྒང་ གནམ་གྲུ་དེ་ནང་ མི་གྲངས་ ༨ ཡོད་མིའི་གྲས་ལས་ མི་གྲངས་ ༥ ལུ་ ཤི་རྐྱེན་དང་ ༢ ལུ་ རྨ་སྐྱོན་བྱུང་ཡོདཔ་ད་ མི་ ༡ པོ་དེ་ གར་སོང་མེད་པར་ བྱང་སྟོར་ཤོར་ཏེ་ འཚོལ་མ་ཐོབ་པར་ཡོད་ཟེར་ཨིན་པས།

དེ་སྦེ་ ཐུག་རྐྱེན་བྱུང་མི་ གནམ་གྲུ་དེ་ འགྲོ་བ་མི་སྡེའི་ དམིགས་བསལ་སྨན་བཅོས་ཀྱི་དོན་ལས་ སྐྱེལ་འདྲེན་འབད་ནི་ལུ་ ལས་འགན་ཅིག་ འགོ་འདྲེན་འཐབ་ཡོདཔ་སྦེ་ མེག་སི་ཀོའི་ མཚོ་དམག་གིས་ གསལ་བཤད་འབད་ནུག།

ཐུག་རྐྱེན་དེ་ ས་གནས་ཀྱི་ ཉི་ཡོལ་ཆུ་ཚོད་ ༣ དེ་ཅིག་ཁར་ བྱུང་ཡོདཔ་ད་ ཐུག་རྐྱེན་དེ་གི་སྐོར་ལས་ དབྱེ་ཞིབ་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།