མ་ལེ་ཤི་ཡའི་ བློན་ཆེན་བགྲེསཔ་ ན་ཇིབ་ར་ཟག་གིས་ མ་དངུལ་ལོག་སྤྱོད་འབད་བའི་ ཉེས་འཛུགས་ཐོག་ལུ་ བཙོན་ཁྲིམས་བཀལ་ཡོདཔ།

རོའི་ཊརཛ།

སྤྱི་ཟླ་ ༡༢ པའི་ཚེས་ ༢༦ ལུ་ མ་ལེ་ཤི་ཡའི་ བློན་ཆེན་བགྲེསཔ་ ན་ཇིབ་ར་ཟག་གིས་ མ་དངུལ་ལོག་སྤྱོད་འབད་བའི་ ཉེས་འཛུགས་ཐོག་ལུ་ བཙོན་ཁྲིམས་བཀལ་ཡོདཔ་ཨིན་པས།

དེ་ཡང་ མ་ལེ་ཤི་ཡ་དང་ ཡུ་ཨེཛ་གི་ ཞིབ་དཔྱད་འབད་མི་ཚུ་གིས་ སྤྱི་ལོ་ ༢༠༠༩ ལོར་ བློན་ཆེན་སྦེ་ སྡོད་པའི་སྐབས་ལུ་ གཞུང་གི་མ་དངུལ་ཐོག་ལས་ ཡུ་ཨེཛ་ཌོ་ལར་ ཐེར་འབུམ་ ༤.༥ དེ་ཅིག་ ཨར་རྐུན་འབད་ཡོདཔ་སྦེ་ སྙན་ཞུའི་ནང་བཀོད་ནུག།

དེ་མ་ཚད་ ཡུ་ཨེཛ་ཌོ་ལར་ ཐེར་འབུམ་ ༡ ལྷགཔ་ཅིག་ཡང་ བློན་ཆེན་བགྲེསཔ་ ན་ཇིབ་ར་ཟག་དང་ འབྲེལ་བ་ཡོད་པའི་ དངུལ་ཁངགི་ རྩིས་ཁྲའི་ནང་ བཙུགས་ཡོད་པའི་ ཉེས་འཛུགས་བཀལ་ཡོད་རུང་ ཁོ་གིས་ ངོས་ལེན་འབད་མ་བཏུབ་པས་ཟེར་ བཀོད་འདུག་པའི་གནས་ཚུལ།