བང་ལ་དེཤ་གི་ ཨམ་སྲུ་བློན་ཆེན་དང་པ་ ཨམ་ཁ་ལེ་ད་ ཟི་ཡ་དེ་ དགུང་ལོ་ ༨༠ ལུ་གཤགས་ཡོདཔ།

བི་བི་སི།

བང་ལ་དེཤ་གི་ ཨམ་སྲུ་བློན་ཆེན་དང་པ་ ཨམ་ཁ་ལེ་ད་ ཟི་ཡ་དེ་ དུས་ཡུན་རིངམོ་སྦེ་ བསྙུངས་པའི་ཤུལ་ལས་ སྤྱི་ཟླ་ ༡༢ པའི་ཚེས་ ༣༠ ལུ་ དྲོ་པའི་ཆུ་ཚོད་ ༦ དེ་ཅིག་ཁར་ དགུང་ལོ་ ༨༠ འི་ཐོག་ལུ་ གཤགས་སོངཔ་ཨིན་པས།

སྤྱི་ཟླ་ ༡༢ པའི་ཚེས་ ༢༨ ཀྱི་ ཕྱི་རོ་ཁམས་ཅིག་ཁ་ལས་ ཨམ་ཟི་ཡའི་ གནས་སྟངས་དེ་ སྐྱོ་དྲགས་ཐལ་བའི་གུ་ ལོ་ཚད་དང་ སྤྱིར་བཏང་འཕྲོད་བསྟེན་ཚུ་ཡང་ ལེགས་ཤོམ་མེདཔ་ལས་ སྨན་བཅོས་ག་ར་ སྟབས་གཅིག་ཁར་འབད་ནི་ལུ་ དཀའ་ངལ་བྱུང་ཡོད་པའི་སྐོར་ལས་ གསོ་བའི་དྲུང་འཚོ་ཚུ་གིས་ གསལ་བཤད་འབད་ནུག།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།