ལུང་ནག་ནང་གི་ མི་སེར་ཚུ་གི་དོན་ལས་ ས་ཁ་མཐོ་སའི་ ཆུར་བརྟེན་གློག་མེ་ལས་འགུལ།

པདྨ་དབང་འདུས།

འབྲུག་གི་ལོ་ལྔའི་འཆར་གཞི་ ༡༣ པའི་ནང་ གཙོ་རིམ་ལས་སྣའི་འོག་ལུ་ ལུང་ནག་ནང་གི་ མི་སེར་ཚུ་ལུ་ གློག་མེ་སྤྲོད་ཐབས་ཀྱི་དོན་ལས་ ཆུར་བརྟེན་གློག་མེ་ཆུང་བའི་ ལས་འགུལ་ཅིག་ གཞི་བཙུགས་འབད་ནི་སྦེ་ཡོད་མིའི་ཐེད་ཁར་ མ་དངུལ་ཚུ་ ལས་འགུལ་དང་འབྲེལ་བའི་ གྲོགས་རམ་བརྒྱུད་དེ་ དངུལ་ཀྲམ༌ཐེར༌འབུམ༌ ༡.༥༠ རྒྱ་གར་གཞུང་ལས་ བྱིན་ནི་ཨིན་པས།

མ་དངུལ་དེ་ནང་ ཆུར་བརྟེན་གློག་མེ་ཆུང་བའི་གུ་ ཉིན་དྲོད་གློག་མེ་དང་ རླུང་ཤུགས་གློག་མེའི་ ལས་འགུལ་ཚུ་ཡང་ ཚུད་ནི་དང་ ལས་འགུལ་དེ་ཚུའི་ སྙན་ཞུ་རྒྱསཔ་ཚུ་ འབྲུག་སླར་བྱུང་གློག་མེ་ལས་འཛིན་གྱིས་ བཟོ་སྐྲིག་འབད་ཡོད་མི་དང་བསྟུན་ གློག་མེ་བཟོ་བསྐྲུན་ ལག་ལེན་འཐབ་ནི་གི་ འགན་ཁུར་དེ་ཡང་ འབྲུག་སླར་བྱུང་གློག་མེ་ལས་འཛིན་ལུ་ར་ སྤྲོད་ཡོད་རུང་ གློག་མེ་བཀྲམ་སྤེལ་གྱི་ལཱ་ཚུ་ འབྲུག་གློག་མེ་ལས་འཛིན་གྱིས་ ལག་ལེན་འཐབ་ནི་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།