ཅ་ཆས་དང་ཞབས་ཏོག་ཁྲལ་ལུ་བརྟེན་པའི་ ཁྲལ་གཉིས་ལྡབ་ཀྱི་དཀའ་ངལ་ ཟླ་ངོ་གསུམ་གྱི་རིང་ལུ་ གནས་ནི་བཟུམ་ཡོདཔ།

ད་རེས་ ཅ་ཆས་དང་ ཞབས་ཏོག་གི་ཁྲལ་ འགོ་བཙུགས་པའི་སྐབས་ལུ་ ཧེ་མའི་བཙོང་ཁྲལ་གྱི་ ལམ་ལུགས་ལས་ འགྱུར་བ་ཐོན་ཏེ་ ཁྲལ་གཉིས་ལྟབ་ཀྱི་ ཁྱད་པར་ཐོན་མི་ལུ་ འོང་འབབ་དང་ ཅ་དམ་ལས་ཁུངས་ཀྱི་ ཁ་ཐུག་ལས་ ངོས་ལེན་འབད་ཡོདཔ་ད་ དེ་ཡང་ དུས་ཅི་ལས་ ཅ་ཆས་དང་ ཞབས་ཏོག་ཁྲལ་ ཁྲིམས་མཐུན་སྦེ་ བཀལ་ནི་དེ་གིས་ ན་ཧིང་ལས་ བཙོང་ཁྲལ་བཏབ་སྟེ་ ནང་འདྲེན་འབད་མི་ ཅ་ཆས་ཚུ་ལུ་ ཁྲལ་གཉིས་ལྟབ་ ཕོག་སྲིད་ཟེར་ཨིན་པས།

དེ་འབདཝ་ད་ མཛོད་ཐོ་འཁྲུལ་མེད་ བཞག་དགོཔ་དེ་ གལ་ཆེ་་ཨིན་མི་དེ་ཡང་ ཚོང་ལཱ་འབད་མི་ཚུ་ལུ་ ཁྲལ་འཐེབ་ཚུ་ གཞུང་ལས་ ཁྲལ་བདེ་སྒྲིག་དང་ ཡང་ན་ ལོག་སྤྲོད་ཐབས་ཀྱི་ ཁྱད་ཚད་འགྲུབ་ནིའི་དོན་ལུ་ དཔེར་ན་ ཚོང་སྡེ་ཅིག་གིས་ བཙོང་ཁྲལ་བཏབ་ཐོག་ལས་ གནས་གོང་དངུལ་ཀྲམ་ ༥༠༠,༠༠༠ གི་ ཅ་ཆས་ནང་འདྲེན་འབད་མི་ལས་ དངུལ་ཀྲམ་ ༢༠༠,༠༠༠ གྱི་ ཅ་ཆས་ལྷག་ལུས་ཡོད་པ་ཅིན་ འོང་འབབ་དང་ ཅ་དམ་ལས་ཁུངས་ཀྱིས་ ཧེ་མའི་བཙོང་ཁྲལ་དེ་ བདེ་སྒྲིག་འབད་དེ་ ཅ་ཆས་དང་ ཞབས་ཏོག་ཁྲལ་ འགོ་བཙུགསཔ་ད་ ཅ་ཆས་ལྷག་ལུས་ཀྱི་ བཙོང་ཁྲལ་དེ་ ལོག་སྤྲོད་ནི་ཨིནམ་ལས་ དེ་གི་དོན་ལུ་ མཛོད་ཐོ་ཚུ་དགོཔ་སྦེ་བཤད་ཅི།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།