སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་གིས་ བསམ་རྩེ་ལུ་ པད་གླིང་ཆོས་འཁོར་གྱི་ བཀའ་ཆོས་གནང་མི་དེ་ མཇུག་བསྡུ་ཡོདཔ།

བསམ་རྩེ་ལུ་ སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་གིས་ ཟླ་ངོ་ཕྱེད་དང་ ༢ དེ་ཅིག་གི་རིང་ལུ་ པད་གླིང་ཆོས་འཁོར་ ༡༣ གྱི་ བཀའ་དབང་དང་ ལྗགས་ལུང་ཚུ་ གནང་མི་དེ་ རང་ཟླ་ ༡༢ པའི་ཚེས་ ༢༡ སྤྱི་ཟླ་ ༢ པའི་ཚེས་ ༤ ལུ་ ཚེ་དབང་དང་བཅསཔ་སྦེ་ གྲོལ་གནང་ནུག།
བཀའ་ཆོས་དེ་ རང་ཟླ་ ༡༡ པའི་ཚེས་ ༥ སྤྱི་ཟླ་ ༡༢ པའི་ཚེས་ ༢༥ ལས་ འགོ་བཙུགས་ཏེ་ བསམ་རྩེ་ཤེས་རིག་མཐོ་རིམ་སློབ་གྲྭའི་ ས་ཁོངས་ནང་སྦེ་ གནང་ཡོདཔ་ད་ དེ་ཡང་ ཧེ་མ་ སྤྱི་ལོ་ ༡༩༧༣ ལོར་ སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་ དགུང་ལོ་ ༨ བཞེས་པའི་ གནས་སྐབས་ནང་ སྐྱབས་རྗེ་བདུད་འཇོམས་རིན་པོ་ཆེ་ དཔལ་འཇིགས་བྲལ་རྡོ་རྗེ་མཆོག་གིས་ པད་གླིང་ཆོས་འཁོར་གྱི་ བཀའ་དབང་གནང་སའི་ གནས་ཁྱད་པར་ཅན་འབད་ནི་དེ་གིས་ཨིན་ཟེར་ བཀྲིས་གཡང་རྩེ་ ཁྲུས་ཆུ་དགོན་པའི་སློབ་དཔོན་ པད་གླིང་དབང་ལུང་གི་གཉེར་པ་ སློབ་དཔོན་བསྟན་འཛིན་རྡོ་རྗེ་གིས་ གསུངསམ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།