རྒྱ་པཱན་གྱི་བློན་ཆེན་ ཨམ་ས་ནེ་ ཏ་ཀའི་ཅི་གིས་ རྒྱལ་རབས་ཅན་གྱི་ རྒྱལ་ཁ་ཐོབ་སྟེ་ བཙག་འཐུ་གྲུབ་ཡོདཔ།

བི་བི་སི།

རྒྱ་པཱན་གྱི་བློན་ཆེན་ ཨམ་ས་ནེ་ ཏ་ཀའི་ཅི་གི་ སྲིད་དོན་ཚོགས་པ་ ལི་བི་རཱལ་ ཌེ་མོ་ཀེ་རེ་ཊིག་ པར་ཊི་གིས་ བཙག་འཐུའི་ནང་ལས་ རྒྱལ་རབས་ཅན་གྱི་ རྒྱལ་ཁ་ཐོབ་པའི་ཤུལ་ལས་ སྤྱི་ཟླ་ ༢ པའི་ཚེས་ ༩ ལུ་ བགོ་བཤའ་ཚུ་ མཐོ་ཤོས་ཅིག་ལུ་ ཡར་སེང་སོང་ནུག།

དེ་ཡང་ སྤྱི་ཟླ་ ༢ པའི་ཚེས་ ༨ ལུ་ འགོ་འདྲེན་འཐབ་མི་ རྒྱལ་ཡོངས་བཙག་འཐུའི་ནང་ལས་ ལི་བི་རཱལ་ ཌེ་མོ་ཀེ་རེ་ཊིག་ པར་ཊི་གིས་ སྡོད་ཁྲི་ ༤༦༥ ལས་ ༣༡༦ ཐོབ་མི་དེ་ སྤྱི་ལོ་ ༡༩༤༧ ལོར་ རྒྱ་པཱན་ལུ་ སྤྱི་ཚོགས་གཞི་བཙུགས་འབད་ཞིནམ་ལས་ ད་ཚུན་གྱི་བར་ན་ སྲིད་དོན་ཚོགས་པ་ཅིག་གིས་ ཚོགས་ཁང་འོག་མའི་ནང་ སྡོད་ཁྲི་གསུམ་དཔྱ་ ༢ ཐོབ་མི་དེ་ འགོ་དང་པ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།