དགེ་ལེགས་ཕུག་ལུ་ གདུང་སྲས་དགའ་རབ་རིན་པོ་ཆེ་གིས་ བདུད་འཇོམས་འགྲོ་འདུལ་གླིང་པའི་ གསུང་འབུམ་གྱི་དབང་ལུང་།

མགོན་པོ་རྡོ་རྗེ།

དགེ་ལེགས་ཕུག་ལུ་ རང་ཟླ་ ༡༢ པའི་ཚེས་ ༦ སྤྱི་ཟླ་ ༡ པའི་ཚེས་ ༢༤ ལས་ འགོ་བཙུགས་ཏེ་ ཉིན་གྲངས་ ༡༧ གྱི་རིང་ལུ་ གདུང་སྲས་དགའ་རབ་རིན་པོ་ཆེ་མཆོག་གིས་ བདུད་འཇོམས་འགྲོ་འདུལ་གླིང་པའི་ གསུང་འབུམ་གྱི་ དབང་ལུང་གནང་མི་དེ་ རང་ཟླ་ ༡༢ པའི་ཚེས་ ༢༣ སྤྱི་ཟླ་ ༢ པའི་ཚེས་ ༩ ལུ་ ཟབ་ལམ་མཁའ་འགྲོའི་ ཚེ་དབང་གནང་ཐོག་ལས་ གྲོལ་གནང་ནུག།

དེ་བསྒང་ དབང་ལུང་ཞུ་ནིའི་དོན་ལུ་ རྒྱལ་ཁབ་ནང་འཁོད་ཀྱི་ བླ་སྤྲུལ་དང་ མཁན་པོ་ དགེ་སློང་ སྒོམ་ཆེན་ མ་ཎེམོ་ དད་ལྡན་སེར་སྐྱ་ཕོ་མོ་ ༢༥,༠༠༠ ལྷགཔ་ཅིག་ སྤུངས་འཛོམས་འབད་ཡོདཔ་མ་ཚད་ ཕྱི་རྒྱལ་ཁག་ལས་ཡང་ གདུང་སྲས་དགའ་རབ་རིན་པོ་ཆེའི་ ཞལ་སློབ་ ༢༥༠ དེ་ཅིག་ཡང་ ལྷོད་ཡོདཔ་སྦེ་ དབང་ལུང་ནང་ གྲལ་གཏོགས་འབད་མི་ཅིག་གིས་ བཤདཔ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།