ཐིམ་ཕུ་ལུ་ ཕྱིའི་མ་རྩ་གཞི་བཙུགས་ཀྱི་ ཞལ་འཛོམས་ཚོགས་གནང་ཡོདཔ།

ཕུན་ཚོགས་དབང་འདུས་དང་
རྡོ་རྗེ་ལས་འཕྲོ།
ཐིམ་ཕུ་ལུ་ ཕྱིའི་མ་རྩ་གཞི་བཙུགས་ལྟེ་བ་ཅིག་ གཞི་བཙུགས་འབད་ཐབས་ལུ་དམིགས་ཏེ་ སྤྱི་ཟླ་ ༢ པའི་ཚེས་ ༡༢ ལས་ ༡༣ ཚུན་ ཉིན་གྲངས་ ༢ ཀྱི་རིང་ལུ་ མ་རྩ་གཞི་བཙུགས་ཀྱི་ ཞལ་འཛོམས་ཅིག་ ཚོགས་གནང་ཡི།
ཞལ་འཛོམས་ཀྱི་ འགོ་འབྱེད་རྟེན་འབྲེལ་ནང་ སྐུ་མགྲོན་གཙོ་བོ་ མི་རྗེ་བློན་ཆེན་ དྲགོས་ཚེ་རིང་སྟོབས་རྒྱས་མཆོག་གིས་ དབུ་གཙོས་པའི་ བཟོ་གྲྭ་ཚོང་འབྲེལ་དང་ ལཱ་གཡོག་བློན་པོ་ རྣམ་རྒྱལ་རྡོ་རྗེ་ འབྲུག་ལུ་ རྒྱ་གར་གཞུང་ཚབ་ སཱན་དིབ་ཨ་རི་ཡ་ འབྲུག་གཞུང་གི་ ཆེ་མཐོའི་འགོ་དཔོན་ཚུ་གིས་ གྲལ་གཏོགས་མཛད་ཡོདཔ་ད་ ཉིན་གྲངས་ ༢ ཀྱི་ ཞལ་འཛོམས་དེ་ནང་ ཕྱི་རྒྱལ་གྱི་ མ་རྩ་གཞི་བཙུགས་འབད་མི་ཚུ་དང་ ས་གནས་ཀྱི་ ཚོང་པ་ཚུ་རྩིས་ཏེ་ མི་གྲངས་ ༢༠༠ ལྷགཔ་ཅིག་གིས་ བཅའ་མར་གཏོགས་ནུག།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།