པ་ཀིཛ་ཏཱན་ལུ་ ཡུ་ཨེཛ་དང་ ཨི་རཱན་གྱི་བར་ན་ ཞི་བདེའི་གསུང་གྲོས་གནང་མི་དེ་ གྲོས་བཅུད་མེདཔ་སྦེ་ མཇུག་བསྡུ་ཡོདཔ།

རོའི་ཊརཛ།

པ་ཀིཛ་ཏཱན་གྱི་རྒྱལ་ས་ ཨིཛ་ལ་མ་བཱད་ལུ་ ཡུ་ཨེཛ་དང་ ཨི་རཱན་གྱི་བར་ན་ ཕྱད་མདའ་མཇུག་བསྡུ་ནིའི་དོན་ལས་ ཞི་བདེའི་གསུང་གྲོས་གནང་མི་དེ་ སྤྱི་ཟླ་ ༤ པའི་ཚེས་ ༡༢ ཀྱི་དྲོ་པ་ གྲོས་བཅུད་ག་ནི་ཡང་མེདཔ་སྦེ་ མཇུག་བསྡུ་ནུག།

དེ་ཡང་ བདུན་ཕྲག་ ༦ གི་ཧེ་མ་ འགོ་བཙུགས་མི་ ཕྱད་མདའ་དེ་ མཇུག་བསྡུའི་དོན་ལས་ པ་ཀིཛ་ཏཱན་ལུ་སྦེ་ ཡུ་ཨེཛ་དང་ ཨི་རཱན་གྱི་བར་ན་ དུས་ཡུན་ཆུ་ཚོད་ ༢༡ གི་རིང་ལུ་ གསུང་གྲོས་གནང་ཡོད་རུང་ གྲོས་བཅུད་ག་ནི་ཡང་ ཐོན་མ་ཚུགས་པར་ ལུས་ཡོདཔ་ཨིན་པས།

ཕྱད་མདའ་དེ་ནང་ མི་སེར་སྟོང་ཕྲག་ལེ་ཤ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ འཛམ་གླིང་ནང་ ས་སྣུམ་གྱི་ གོང་ཚད་ཚུ་ཡང་ ཡར་སེང་སྦོམ་སྦེ་ར་ སོང་སྟེ་ཡོདཔ་ཨིན་པའི་ གནས་ཚུལ་མདོར་བསྡུས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་དང་ ཤེས་ཡོན་ ལམ་སྲོལ་ སྤྲོ་བ་ལ་སོགས་པ་ཚུ་ གློག་རིག་སྒྲིག་བཀོད་ (PDF) ཐོག་ལུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ གློག་འཕྲིན་ཁ་བྱང་ gyalchi.cir@gmail.com དང་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།