རྒྱལ་གཞུང་དངུལ་ལས་དབང་འཛིན་གྱིས་ ཚད་གཞི་འབྲིང་མའི་ དཔལ་འབྱོལ་ལྷན་ཐབས་ལས་རིམ་གྱི་ སྐྱིན་འགྲུལ་ཚུ་གི་ བསྐྱར་ཞིབ་མཇུག་བསྡུ་ཡོདཔ།

པདྨ་དབང་འདུས།

སྤྱི་ཟླ་ ༤ པའི་ཚེས་ ༢༠ ལུ་ རྒྱལ་གཞུང་དངུལ་ལས་དབང་འཛིན་གྱིས་ གསར་བཏོན་འབད་མི་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ དཔལ་འབྱོར་ལྷན་ཐབས་ལས་རིམ་འོག་གི་ ལས་འགུལ་ཚད་གཞི་འབྲིང་མ་ཚུ་གི་ སྐྱེད་ཆུང་སྐྱིན་འགྲུལ་ཚུ་དང་འབྲེལ་བའི་ བསྐྱར་ཞིབ་ཚུ་ མཇུག་བསྡུ་ཡི་ཟེར་ཨིན་པས།

དེ་ཡང་ ངན་ལྷད་བཀག་སྡོམ་ལྷན་ཚོགས་ཀྱིས་ ཞུ་བ་འབད་མི་དང་འཁྲིལ་ཏེ་ དཔལ་འབྱོར་ལྷན་ཐབས་ལས་རིམ་གྱི་ ལག་ལེན་ལམ་སྟོན་ ༢༠༢༤ ཅན་མ་ལུ་ ཆ་གནས་ཡོད་མེད་ གཙོ་བོར་བཟུང་ཡོདཔ་སྦེ་བཀོད་ནུག།

དཔལ་འབྱོར་ལྷན་ཐབས་ལས་རིམ་གྱི་ ལམ་སྟོན་ནང་ ཚད་གཞི་འབྲིང་མའི་ ལས་སྡེ་ཟེར་མི་དེ་ མ་རྩ་དངུལ་ཀྲམ་ས་ཡ་ ༡༠ ལས་ ༡༠༠ གི་བར་ན་འབད་མི་ ཐོན་སྐྱེད་དང་ བཟོ་བཏོན་ལས་འགུལ་སྦེ་ ངེས་ཚིག་འགྲེལ་ཏེ་ཡོདཔ་ད་ ལམ་སྟོན་དེ་ནང་ ཞབས་ཏོག་དང་ བཟོ་བསྐྲུན་ ས་གཏེར་གྱི་ རྒྱུ་ཆས་གཏོན་ནི་དང་ སོ་ནམ་ལུ་གཞི་བརྟེན་འབད་མི་ ནང་གསེས་ལས་སྡེ་ཚུ་ མི་ཚུད་དོ་ཡོདཔ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་དང་ ཤེས་ཡོན་ ལམ་སྲོལ་ སྤྲོ་བ་ལ་སོགས་པ་ཚུ་ གློག་རིག་སྒྲིག་བཀོད་ (PDF) ཐོག་ལུ་ གཟིགས་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ གློག་འཕྲིན་ཁ་བྱང་ gyalchi.cir@gmail.com དང་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།