མི་དབང་མངའ་ཞབས་མཆོག་གིས་ བསམ་རྩེ་རྒྱ་མཚོ་གླིང་ལུ་ རྒྱལ་སྲུང་སྦྱོང་བརྡར་བ་ཚུ་དང་མཇལ་ཕྲད།

སྤྱི་ཟླ་ ༥ པའི་ཚེས་ ༢༠ ལུ་ མི་དབང་མངའ་བདག་རིན་པོ་ཆེ་མཆོག་ བསམ་རྩེ་རྒྱ་མཚོ་གླིང་ རྒྱལ་སྲུང་སྦྱོང་བརྡར་སྤེལ་ཁང་ནང་ སྦྱོང་བརྡར་འབད་བའི་བསྒང་ཡོད་མི་ རྒྱལ་སྲུང་སྦྱོང་བརྡར་བ་ཚུ་དང་གཅིག་ཁར་ མཇལ་ཕྲད་མཛད་གནང་ནུག།

སྤྱི་ལོ་ ༢༠༢༦ ལོའི་ རྒྱལ་སྲུང་སྡེ་ཚན་དང་པའི་ མཇུག་བསྡུའི་རྟེན་འབྲེལ་དེ་ཡང་ རྒྱལ་སྲུང་སྦྱོང་བརྡར་སྤེལ་ཁང་ག་རའི་ནང་ སྤྱི་ཟླ་ ༥ པའི་ཚེས་ ༢༧ ལུ་ འགོ་འདྲེན་འཐབ་ནི་ཨིན་པས།

མི་དབང་མངའ་བདག་རིན་པོ་ཆེ་མཆོག་ བསམ་རྩེ་ལུ་ བཞུགས་པའི་རིང་ལུ་ བསམ་རྩེ་རྫོང་ཁག་གི་ འགོ་དཔོན་ཚུ་དང་ བསམ་རྩེ་ཤེས་རིག་མཐོ་རིམ་སློབ་གྲྭའི་ སློབ་ཕྲུག་ཚུ་དང་ཡང་ མཇལ་ཕྲད་མཛད་གནང་ནུག།

དེ་བཟུམ་སྦེ་ སྤྱི་ཟླ་ ༥ པའི་ཚེས་ ༡༩ ལུ་ ཕུན་ཚོགས་གླིང་ལུ་ གཟིགས་སྐོར་གནང་སྟེ་ ཆུ་ཁ་རྫོང་ཁག་གི་ འགོ་དཔོན་ཚུ་དང་ དགེ་འདུ་ཚོང་རིག་མཐོ་རིམ་སློབ་གྲྭ་དང་ ཚན་རིག་དང་ འཕྲུལ་རིག་མཐོ་རིམ་སློབ་གྲྭ་ཚུ་གི་ སློབ་ཕྲུག་ཚུ་དང་ཡང་ མཇལ་ཕྲད་མཛད་གནང་ཡོད་པའི་ གནས་ཚུལ་མདོར་བསྡུས།