སྐྱབས་རྗེ་རིན་པོ་ཆེ་མཆོག་གིས་ གཞུང་གྲྭ་ཚང་གི་ ཡོན་ཏན་སློབ་དཔོན་དང་ འབུམ་སྡེ་སློབ་དཔོན་ ལས་ཚོགས་དྲུང་ཆེན་ཚུ་ གསར་བསྐོས་ཐོག་ལུ་ བཀྲིས་ལེགས་དར་གནང་ཡོདཔ།

མགོན་པོ་རྡོ་རྗེ།

རང་ཟླ་ ༤ པའི་ཚེས་ ༢༦ སྤྱི་ཟླ་ ༦ པའི་ཚེས་ ༡༡ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ཐིམ་ཕུ་བཀྲིས་ཆོས་རྫོང་ནང་སྦེ་ ཡོན་ཏན་སློབ་དཔོན་དང་ འབུམ་སྡེ་སློབ་དཔོན་ ལས་ཚོགས་དྲུང་ཆེན་ཚུ་ གསར་བསྐོས་ཐོག་ལུ་ བཀྲིས་ལེགས་དར་གནང་ནུག།

དེ་ཡང་ ཐིམ་ཕུ་རྡོར་གདན་བཀྲིས་ཐང་ ནང་པའི་མཐོ་རིམ་སློབ་གྲྭའི་སྤྱི་འཛིན་ མཁན་པོ་ཀུན་བཟང་འཕྲིན་ལས་མཆོག་ གཞུང་གྲྭ་ཚང་གི་ ཡོན་ཏན་སློབ་དཔོན་དང་ སློབ་དཔོན་མིག་དམར་ཚེ་རིང་མཆོག་ སྤུངས་ཐིམ་གཞུང་གྲྭ་ཚང་གི་ འབུམ་སྡེ་སློབ་དཔོན་སྦེ་ བསྐོ་བཞག་གནང་ཡོདཔ་ད་ དེ་ལས་ སློབ་དཔོན་ཚེ་རིང་དབང་ཕྱུག་དེ་ ལས་ཚོགས་དྲུང་ཆེན་སྦེ་ བསྐོ་བཞག་གནང་ཡོདཔ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ མཁྱེན་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།