མི་དབང་མངའ་བདག་རིན་པོ་ཆེ་མཆོག་གིས་ མཐོ་རིམ་སློབ་གྲྭ་མཐར་འཁྱོལ་གྱི་ ངོ་སྦྱོར་ལག་ཁྱེར་རྟེན་འབྲེལ་ནང་ དབུ་བཞུགས་མཛད་གནང་ཡོདཔ།

པདྨ་དབང་འདུས།

སྤྱི་ཟླ་ ༦ པའི་ཚེས་ ༡༧ ལུ་ མི་དབང་མངའ་བདག་རིན་པོ་ཆེ་མཆོག་གིས་ སེམས་རྟོགས་ཁ་ རྒྱལ་ཡོངས་འཛིན་སྐྱོང་སྤེལ་ཁང་ནང་ རྒྱལ་འཛིན་གཙུག་ལག་སློབ་སྡེ་གིས་ འགོ་འདྲེན་འཐབ་མི་ མཐོ་རིམ་སློབ་གྲྭ་མཐར་འཁྱོལ་གྱི་ ངོ་སྦྱོར་ལག་ཁྱེར་རྟེན་འབྲེལ་ནང་ དབུ་བཞུགས་མཛད་གནང་ཡི།

དེ་བསྒང་ མཐོ་རིམ་སློབ་གྲྭ་མཐར་འཁྱོལ་མི་ཚུ་ལུ་ མི་དབང་མངའ་ཞབས་མཆོག་གིས་ དོ་འགྲན་ཅན་གྱི་ རྒྱལ་སྤྱིའི་གནས་སྐབས་ནང་ འབྲུག་གི་ཡོངས་ཁྱབ་ཅན་གྱི་ དམིགས་དོན་ཚུ་དང་ མ་འོངས་མི་རབས་ཚུ་ལུ་ ལོངས་སྤྱོད་དང་ ཉེན་སྲུང་ལྡན་པའི་ རྒྱལ་ཁབ་རྩིས་སྤྲོད་འབད་དགོ་པའི་སྐོར་ལས་ གསུང་བཤད་གནང་ཡོདཔ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ མཁྱེན་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།