རྒྱལ་གཞུང་དངུལ་ལས་དབང་འཛིན་དང་ དགེ་ལེགས་ཕུག་ དངུལ་འབྲེལ་ཞབས་ཏོག་ ཡིག་ཚང་གི་བར་ན་ དངུལ་འབྲེལ་སྒྲིག་གཞིའི་ གོ་དོན་ཆིངས་ཡིག་གུ་ མཚན་རྟགས་བཀོད་ཡོདཔ།

པདྨ་དབང་འདུས།

སྤྱི་ཟླ་ ༦ པའི་ཚེས་ ༢༠ ལུ་ རྒྱལ་གཞུང་དངུལ་ལས་དབང་འཛིན་དང་ དགེ་ལེགས་ཕུག་ དངུལ་འབྲེལ་ཞབས་ཏོག་ ཡིག་ཚང་གི་བར་ན་ སྒྲིག་གཞི་ཐོག་གི་ མཉམ་འབྲེལ་དང་ གྲོས་སྟོན་ བརྡ་དོན་བརྗེ་སོར་ཚུ་གི་དོན་ལུ་ སྒྲིག་བཀོད་ཅིག་ གཞི་བཙུགས་འབད་ནི་དང་འབྲེལ་ཏེ་ གོ་དོན་ཆིངས་ཡིག་ཅིག་གུ་ མཚན་རྟགས་བཀོད་ཡོདཔ་ཨིན་པས།

མཚན་རྟགས་དེ་ཡང་ ཐིམ་ཕུ་རྒྱལ་གཞུང་དངུལ་ལས་དབང་འཛིན་གྱི་ ཡིག་ཚང་ནང་སྦེ་ དངུལ་ལས་དབང་འཛིན་གྱི་ སྤྱི་འཛིན་དང་ དགེ་ལེགས་ཕུག་ དངུལ་འབྲེལ་ཞབས་ཏོག་ཡིག་ཚང་གི་ འཛིན་སྐྱོང་མདོ་ཆེན་གྱིས་ ཆེ་མཐོའི་འགོ་དཔོན་ཚུ་གི་ སྐུ་མདུན་ལུ་སྦེ་བཀོད་ནུག།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ མཁྱེན་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།