ཅ་ཆས་དང་ ཞབས་ཏོག་ཁྲལ་ དགོངས་ཡངས་ཁ་སྐོང་།

པདྨ་དབང་འདུས།

སྤྱི་ཟླ་ ༦ པའི་ཚེས་ ༢༥ ལུ་ དངུལ་རྩིས་ལྷན་ཁག་ འོང་འབབ་དང་ ཅ་དམ་ལས་ཁུངས་ཀྱིས་ གསལ་བསྒྲགས་ཅིག་ནང་ བཀོད་དོ་བཟུམ་འབད་བ་ཅིན་ ད་ལས་ཕར་ ནོར་མར་གསརཔ་དང་ ཆུམ་གྱི་རིགས་མ་འདྲཝ་ཚུ་ དེ་ལས་ ཚོད་དོར་མར་ཁུའི་རིགས་དང་ རང་སྒུལ་རྐང་ཁྲི་འཁོར་ལོ་ཅནམ་ཚུ་ལུ་ ཅ་ཆས་དང་ ཞབས་ཏོག་ཁྲལ་དེ་ མི་ཕོག་ཟེར་ཨིན་པས།

དེ་ཡང་ ཅ་ཆས་དང་ ཞབས་ཏོག་ཁྲལ་གྱི་ འཕྲི་སྣོན་བཅའ་ཁྲིམས་ ༢༠༢༦ ཅན་མ་དང་འཁྲིལ་ཏེ་ ཧེ་མའི་གསལ་བསྒྲགས་ཀྱི་ དོན་མཚམས་ ༢ པའི་ནང་ བཀོད་དེ་ཡོད་མི་ ཆ་གནས་སྤེལ་ཚེས་དང་ འབྲེལ་དོན་གྱི་སྐོར་ལས་ དོགས་སེལ་གྱི་དོན་ལུ་ཨིན་ཟེར་བཀོད་ནུག།