ཐིམ་ཕུ་དང་ ཕུན་ཚོགས་གླིང་ཁྲོམ་སྡེའི་ བཙག་འཐུ་ཐེངས་ ༤ པ་ འགོ་འདྲེན་འཐབ་ནི།

མགོན་པོ་རྡོ་རྗེ།
སྤྱི་ཟླ་ ༧ པའི་ཚེས་ ༡༥ ལུ་ ཐིམ་ཕུ་དང་ ཕུན་ཚོགས་གླིང་ ༢ ཀྱི་ ཁྲོམ་སྡེའི་བཙག་འཐུ་ ཐེངས་ ༤ པ་ འགོ་འདྲེན་འཐབ་ནི་ཨིནམ་བཞིན་དུ་ ཁྲོམ་དཔོན་གྱི་ འདེམས་ངོ་ ༤ དང་ ཚོགས་པའི་འདེམས་ངོ་ ༡༤ གི་བར་ན་ དོ་འགྲན་འབད་ནི་ཨིནམ་སྦེ་ གཏན་འཁེལ་བཟོ་ནུག།
དེ་ཡང་ འབྲུག་གི་བཙག་འཐུ་ལྷན་ཚོགས་དང་འཁྲིལ་བ་ཅིན་ ཐིམ་ཕུ་ཁྲོམ་སྡེའི་དོན་ལུ་ ཁྲོམ་དཔོན་གྱི་འདེམས་ངོ་ ཨྱོན་རྡོ་རྗེ་དང་ བསོད་ནམས་ཆོས་སྒྲོན་ ༢ ཀྱི་བར་ན་ དོ་འགྲན་འབད་འབད་ནི་ཨིནམ་ད་ ཕུན་ཚོགས་གླིང་ ཁྲོམ་སྡེའི་དོན་ལུ་ ཁྲོམ་དཔོན་གྱི་འདེམས་ངོ་ བཀྲིས་དབང་ཕྱུག་དང་ དི་པཱན་གྷ་ལེ་ ༢ ཀྱི་བར་ན་ དོ་འགྲན་འབད་ནི་ཨིན་པས།
ཁྲོམ་སྡེ་ཚོགས་པ་ ༡༤ པོ་དེ་ཡང་ ཐིམ་ཕུ་ཁྲོམ་སྡེའི་དོན་ལུ་ ཚོགས་པ་ ༨ དང་ ཕུན་ཚོགས་གླིང་ ཁྲོམ་སྡེའི་དོན་ལུ་ ཚོགས་པ་ ༦ ཨིནམ་ད་ ཚོགས་པའི་འདེམས་ངོ་ཚུ་ཡང་ ཕོ་སྐྱེས་ ༨ དང་ ཨམ་སྲུ་ ༦ ཨིནམ་སྦེ་ གསལ་བཀོད་འབད་ནུག།

Please follow and like us: