དགེ་ལེགས་ཕུག་ དྲན་ཤེས་ཁྲོམ་ཚོགས་དབང་འཛིན་གྱིས་ བཅོས་མའི་རིག་རྩལ་གནད་སྡུད་ལྟེ་བ་ གོང་འཕེལ་གྱི་དོན་ལུ་ སཱ་ཏོ་འཕྲུལ་རིག་དང་གཅིག་ཁར་ འབྲེལ་དོན་ཀུན་སློང་ཡིག་ཆ་གུ་ མིང་རྟགས་བཀོད་ཡོདཔ།

པདྨ་དབང་འདུས།

སྤྱི་ཟླ་ ༧ པའི་ཚེས་ ༦ ལུ་ དགེ་ལེགས་ཕུག་ དྲན་ཤེས་ཁྲོམ་ཚོགས་དབང་འཛིན་གྱིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ སླར་བྱུང་ནུས་ཤུགས་ལུ་བརྟེན་པའི་ བཅོས་མའི་རིག་རྩལ་གནད་སྡུད་ལྟེ་བ་ཅིག་ གོ་རིམ་བཞིན་དུ་ གོང་འཕེལ་གཏང་ནིའི་དོན་ལས་ སཱ་ཏོ་འཕྲུལ་རིག་ལས་འཛིན་དང་གཅིག་ཁར་ འབྲེལ་དོན་ཀུན་སློང་ཡིག་ཆ་གུ་ མིང་རྟགས་བཀོད་ནུག། 

གྲོས་འཆར་བཀོད་པའི་ མཉམ་འབྲེལ་དེ་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱིས་ འབྲུག་གི་སླར་བྱུང་ནུས་ཤུགས་ཀྱི་ ཐོན་ཁུངས་ཀྱི་ གོ་སྐབས་ཚུ་ གནས་གོང་དང་ ཤེས་ཡོན་མཐོ་བའི་ བཟོ་གྲྭ་ཚུ་གི་དོན་ལུ་ སྤྱོད་ནི་གི་ རེ་འདུན་སྦོམ་ཡོད་པའི་ བརྡ་མཚོན་སྟོནམ་ཨིན་པས།

རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ མཁྱེན་འདོད་ཡོད་མི་ཚུ་གིས་ ལོ་ངོ་ ༡ གི་དོན་ལས་ འབྲུག་གི་དངུལ་ཁང་ནང་ རྒྱལ་སྤྱི་གསར་ཤོག་གི་ རྩིས་ཁྲ་ཨང་ ༡༠༠༩༡༥༣༣༤ ཅན་མར་ དངུལ་ཀྲམ་ ༥༠༠ བཙུགས་ཐོག་ལས་ རྒྱུན་མངག་མཛད་གནང་ཟེར་ ཞུ་ནི་དང་། བརྡ་དོན་ཁ་གསལ་གྱི་དོན་ལས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།