སྤ་རོ་རྫོང་ཁག་ཁྲིམས་འདུན་ལས་ རྟོག་མེད་དམར་བསད་དང་ རྒོལ་འཛིང་ཚུ་ནང་ འབྲེལ་བ་ཡོད་མི་ ༡༠ ལུ་ ཉེས་ཁྲིམས་བཀལ་གནང་ཡོདཔ།

སྤྱི་ཟླ་ ༧ པའི་ཚེས་ ༡༠ ལུ་ སྤ་རོ་རྫོང་ཁག་ཁྲིམས་འདུན་ལས་ རྟོག་མེད་དམར་བསད་དང་ རྒོལ་བརྡུང་ ཉེས་འགེལ་ནང་ གྲོགས་རམ་འབད་མི་ དེ་ལས་ ངན་སྐུལ་དང་ རྒོལ་འཛིང་ཚུ་ནང་འབྲེལ་བ་ཡོད་མི་ མི་ངོམ་ ༡༠ ལུ་ ཉེས་ཁྲིམས་ཚུ་ བཀལ་གནང་ནུག།

དེ་ཡང་ སྐལ་ལྡན་རྡོ་རྗེ་ལུ་ ལོ་ ༨ དང་ ཟླཝ་ ༡༠ གྱི་བཙོན་ཁྲིམས་དང་ རྡོ་རྗེ་འགན་འཛིན་ལུ་ འགྲིག་ཆ་མ་རུང་བའི་ ཉེས་འགེལ་དང་འབྲེལ་ཏེ་ ལོ་ངོ་ ༧ གྱི་ བཙོན་ཁྲིམས་བཀལ་གནང་ཡོདཔ་ཡོདཔ་ཨིན་པས།

དེ་ལས་ ཉེས་དོགས་པ་ གཞན་མི་ ༨ ལུ་ འགྲིག་ཆ་མ་རུང་བའི་ ཉེས་འགེལ་གྱི་བཙོན་ཁྲིམས་ ལོ་ ༡ དང་ཟླཝ་ ༥ ལས་ ལོ་ ༢ དང་ ཟླཝ་ ༡༠ གྱི་བར་ན་ བཙོན་ཁྲིམས་ཚུ་ བཀལ་གནང་ཡོདཔ་ད་ ཁོང་གི་གྲས་ལས་ ཉེས་དོགས་པ་ ༢ ལུ་ ཉིན་གྲངས་ ༩༠ རེའི་ བཙོན་ཁྲིམས་ཀྱི་ཚབ་ལུ་ བཙོན་འཐུས་དངུལ་ཀྲམ་ ༡༡,༢༥༠ རེ་ ཕུལ་ཆོག་པའི་ གོ་སྐབས་གནང་ནུག།