ཨི་རཱན་གྱི་ ཕྱད་མདའ་ལུ་བརྟེན་ཏེ་ ཡུ་རོབ་ཀྱི་ མཁའ་འགྲུལ་ལས་སྡེ་ཚུ་ བཙན་ཐབས་འབད་ནི་ལུ་གྲ་སྒྲིག།

རོའི་ཊརཛ།

སྤྱི་ཟླ་ ༧ པའི་ཚེས་ ༡༦ ལུ་ ཡུ་རོབ་ལུང་ཕྱོགས་ཀྱི་ མཁའ་འགྲུལ་ནང་ མ་རྩ་བཙུགས་མི་དང་ བཟོ་གྲྭའི་བཀོད་ཁྱབ་འགོ་དཔོན་ཚུ་གིས་ བཤད་དོ་འབད་བ་ཅིན་ ཨི་རཱན་གྱིས་ ག་ལཱཕ་ལུང་ཕྱོགས་ལུ་ ཕྱད་མདའ་ལོག་སྟེ་ར་ འགོ་བཙུགས་མི་ལུ་བརྟེན་ཏེ་ ས་སྣུམ་གྱི་ གོང་ཚད་ཚུ་ ཡར་སེང་འགྱོ་དོ་ཡོདཔ་ལས་ ཡུ་རོབ་ཀྱི་ མཁའ་གྲུལ་ལས་སྡེ་ཆུང་བ་ཚུ་གིས་ རང་སོའི་ལས་སྡེ་ཚུ་ བཙན་ཐབས་འབད་དགོཔ་ འབྱུང་ནི་མས་ཟེར་ཨིན་པས།

དེ་ཡང་ དཔེ་འབད་བ་ཅིན་ བི་རི་ཊེན་གྱི་མཁའ་འགྲུལ་ ཨི་ཛི་ཇེཊ་དེ་ ལོ་ངོ་ ༣༠ གི་རིང་ལུ་ མ་དངུལ་ཆུང་ཀུའི་ཐོག་ལས་ ལག་ལེན་འཐབ་སྟེ་ཡོད་རུང་ ད་རེས་ ཨི་རཱན་གྱི་ ཕྱད་མདའ་ལུ་བརྟེན་ཏེ་ དཀའ་ངལ་ཐོན་དོ་ཡོདཔ་ལས་ མགྱོགས་པ་ར་ ཡུ་ཨེ་གིས་ འགོ་ཁྲིད་ཐོག་ལུ་ ནད་ཡམས་ཀོ་ཝིཌ་སྔ་གོང་གི་ གནས་གོང་དང་ཕྱདཔ་ད་ གནས་གོང་ལེ་ཤ་གིས་ དམའ་སུ་སྦེ་ རྩིས་ལེན་ནི་ཨིནམ་སྦེ་བཤད་ནུག།