ཐིམ་ཕུ་དང་ ཕུན་ཚོགས་གླིང་ རྫོང་ཁག་ཁྲོམ་སྡེ་ཚོགས་སྡེའི་ བཙག་འཐུའི་གྲུབ་འབྲས།

ཐིམ་ཕུ་དང་ ཕུན་ཚོགས་གླིང་ རྫོང་ཁག་ཁྲོམ་སྡེ་ཚོགས་སྡེའི་དོན་ལས་ ས་གནས་གཞུང་གི་ བཙག་འཐུ་ཐེངས་ ༤ པ་ སྤྱི་ཟླ་ ༧ པའི་ཚེས་ ༡༥ ལུ་ འགོ་འདྲེན་འཐབ་ཡོདཔ་བཞིན་དུ་ འབྲུག་གི་བཙག་འཐུ་ལྷན་ཚོགས་ཀྱིས་ སྤྱི་ཟླ་ ༧ པའི་ཚེས་ ༡༦ ལུ་ བཙག་འཐུའི་གྲུབ་འབྲས་ཚུ་ གཞུང་འབྲེལ་དུ་ གསལ་བསྒྲགས་གནང་ཡི།

དེ་ཡང་ ཐིམ་ཕུ་ཁྲོམ་སྡེའི་ ཁྲོམ་དཔོན་སྦེ་ ཁྲོམ་དཔོན་བགྲེསཔ་ ཨྱོན་རྡོ་རྗེ་དེ་ ལོག་སྟེ་ར་ བཙག་འཐུ་གྲུབ་ཡོདཔ་ད་ ཕུན་ཚོགས་གླིང་ཁྲོམ་སྡེའི་ ཁྲོམ་དཔོན་སྦེ་ དི་པིན་དགའ་ལེགས་ བཙག་འཐུ་གྲུབ་ཡོདཔ་མ་ཚད་ ཐིམ་ཕུ་ཁྲོམ་སྡེའི་ ཚོགས་པ་ ༧ དང་ ཕུན་ཚོགས་གླིང་ཁྲོམ་སྡེའི་ ཚོགས་པ་ ༥ ཡང་ བཙག་འཐུ་གྲུབ་ཡོདཔ་སྦེ་ གནས་ཚུལ་གསར་བཏོན་ནང་བཀོད་ནུག།

Please follow and like us: