ཝེཏ་ནམ་ལུ་ སྐྱེལ་འདྲེན་སྣུམ་འཁོར་བཱཛ་ཅིག་ལུ་ མེ་རྐྱེན་བྱུང་སྟེ་ འགྲུལ་པ་ ༧ ལུ་ཤི་རྐྱེན།

རོའི་ཊརཛ།

སྤྱི་ཟླ་ ༧ པའི་ཚེས་ ༢༡ ལུ་ དྲོ་པ་ཁམས་ཅིག་ཁར་ ཝེཏ་ནམ་གྱི་ ལྷོ་ཕྱོགས་ཁ་ཐུག་ལུ་ སྐྱེལ་འདྲེན་སྣུམ་འཁོར་བཱཛ་ཅིག་ལུ་ མེ་རྐྱེན་བྱུང་ཡོདཔ་ལས་ འགྲུལ་པ་ ༧ ལུ་ ཤི་རྐྱེན་དང་ ༥ ལུ་ རྨ་སྐྱོན་བྱུང་ནུག།

དེ་ཡང་ སྡོད་ཁྲི་ ༢༤ འབད་མི་ སྣུམ་འཁོར་བཱཛ་དེ་ ལམ་དོང་མངའ་སྡེ་ལས་ ཉེ་འདབས་ཀྱི་ ཚོང་འབྲེལ་ལྟེ་བ་ ཧོ་ཅི་མིན་ ཁྲོམ་ཚོགས་ནང་ འགྲུལ་སྐྱོད་འབད་བའི་ལམ་ཁར་ མེ་རྐྱེན་བྱུང་ཡོདཔ་སྦེ་ ཁྲིམས་སྲུང་འགག་སྡེ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།