རྒྱ་གར་རྒྱལ་ཁབ་ནང་ གསོ་བའི་སློབ་གྲྭའི་ ཆོས་རྒྱུགས་ཀྱི་ དྲི་ཤོག་ཚུ་ གསང་ཤོར་དང་འབྲེལ་བའི་ ངོ་རྒོལ་འགྲེམ་སྟོན།

རོའི་ཊརཛ།

མདང་ཞག་ སྤྱི་ཟླ་ ༥ པའི་ནང་ རྒྱ་གར་ལུ་ གསོ་བ་སློབ་གྲྭའི་ ཆོས་རྒྱུགས་ཀྱི་ དྲི་ཤོག་ཚུ་ གསང་ཤོར་དང་འབྲེལ་བའི་ གནད་དོན་གུ་ སྤྱི་ཟླ་ ༧ པའི་ཚེས་ ༢༠ ལུ་ ན་གཞོན་ཚུ་ འགོ་ཁྲིད་འབད་མི་སྡེ་ཚན་ ཀོག་རོཆ་ཇཱན་ཏ་པར་ཊི་ཟེར་མི་དང་ ཁྲིམས་སྲུང་འགག་པ་ཚུ་གི་བར་ན་ གདོང་ཐུག་ཚབས་ཆེན་བྱུང་ནུག།

དེ་མ་ཚད་ སྤྱི་ཟླ་ ༧ པའི་ཚེས་ ༢༡ ལུ་ཡང་ ལོག་སྟེ་ར་ སྡེ་ཚན་དེ་དང་སྦྲགས་ཏེ་ རྒྱབ་སྐྱོར་འབད་མི་ སྟོང་ཕྲག་ལས་བཅད་མི་ཚུ་གིས་ ནིའུ་དིལླི་ལུ་ ངོ་རྒོལ་འགྲེམ་སྟོན་འབད་ཡོདཔ་ཨིན་པས།

དེ་ཡང་ ངོ་རྒོལ་འབད་མི་ ༥,༠༠༠ ལྷགཔ་ཅིག་གིས་ རྒྱ་གར་གྱི་ ཤེས་རིག་བློན་པོ་ དྷར་མེན་ད་ར་ པར་དཱན་དེ་ དགོངས་ཞུ་འབད་དགོ་པའི་ བརྗོད་དོན་བཀོད་དེ་ ལམ་འགྲུལ་ངོ་རྒོལ་འབད་བའི་ཤུལ་ལུ་ དིལླིའི་ཇཱན་ཏར་མཱན་ཏར་ ས་ཁོངས་ནང་ སྤུངས་འཛོམས་ཐོག་ལས་ ངོ་རྒོལ་འགྲེམ་སྟོན་འབད་ནུག།