རྒྱ་གར་ཨ་སམ་མངའ་སྡེའི་ནང་ ཆུ་རུད་ལུ་བརྟེན་ཏེ་ མི་གྲངས་ ༦༢ ལུ་ཤི་རྐྱེན།

ཨེན་ཌི་ཊི་ཝི།

རྒྱ་གར་ཨ་སམ་མངའ་སྡེའི་ནང་ ཆར་རྒྱུན་མ་ཆདཔ་སྦེ་ར་ རྐྱབ་ནི་དེ་གིས་ ཆུ་རུད་འཐོན་བཞིན་དུ་ཡོདཔ་ལས་ སྤྱི་ཟླ་ ༧ པའི་ཚེས་ ༢༥ ལུ་ མི་གྲངས་ ༡༤ ལུ་ ཤི་རྐྱེན་བྱུང་མི་རྩིས་ཏེ་ ཤི་རྐྱེན་གྱི་ གྱངས་ཁ་དེ་ མི་གྲངས་ ༦༢ ལུ་ ཡར་སེང་སོང་ནུག།

དེ་ཡང་ སྙན་ཞུ་ཅིག་ནང་ བཀོད་དོ་བཟུམ་འབད་བ་ཅིན་ དེ་སྦེ་ ཤི་རྐྱེན་བྱུང་མི་ ༡༤ གི་གྲས་ལས་ ཅ་རའི་དེའུ་ རྫོང་ཁག་ནང་ མི་གྲངས་ ༧ དང་ སི་ཝ་ས་གར་ རྫོང་ཁག་ནང་ མི་གྲངས་ ༦ ཇོར་ཧཱཏ་རྫོང་ཁག་ནང་ མི་ངོམ་ ༡ ལུ་ ཤི་རྐྱེན་བྱུང་ཡོདཔ་སྦེ་ཨིན་པས།

དེ་མ་ཚད་ ཆུ་རུད་དེ་གིས་ རྫོང་ཁག་ ༡༢ ཀྱི་ནང་ མི་གྲངས་ ༧༠༥,༡༤༨ དེ་ཅིག་ལུ་ཡང་ གནོད་སྐྱོན་བྱུང་ཡོདཔ་ད་ དེ་ཡང་ གཡུས་ཚན་ ༨༥༦ དེ་ཅིག་ ཆུ་གིས་གང་སྟེ་ཡོད་པའི་གུ་ ས་ཞིང་ཨེ་ཀར་ ༥༦,༦༠༦ ནང་ཡོད་མི་ ལོ་ཐོག་ཚུ་ཡང་ ཆུའི་འོག་ལུ་ ཚུད་དེ་ཡོདཔ་སྦེ་བཀོད་ནུག།