རྒྱ་གར་གྱི་ ཤེས་རིག་བློན་པོ་ དྷར་མེན་དར་ པར་དཱན་དེ་ བློན་པོའི་གོ་གནས་ལས་ དགོངས་ཞུ་འབད་ཡོདཔ།

ཨེན་ཌི་ཊི་ཝི།

རྒྱ་གར་རྒྱལ་ཁབ་ནང་ འཕྲལ་ཁམས་ཅིག་ཁར་ སློབ་གྲྭའི་ཆོས་རྒྱུགས་ཀྱི་ དྲི་ཤོག་གསང་ཤོར་དང་འབྲེལ་ཏེ་ རྒྱ་གར་དིལླིའི་ས་ཁོངས་ ཇཱན་ཏར་མཱན་ཏར་ཟེར་སར་ ཀོག་རོཆ་ཇཱན་ཏ་པར་ཊི་གིས་ འགོ་ཁྲིད་ཐོག་ལུ་ ངོ་རྒོལ་འགྲེམ་སྟོན་ཚུ་ འགོ་འདྲེན་འཐབ་ནུག།

དེ་འབདཝ་ལས་ རྒྱ་གར་གཞུང་གིས་ ངོ་རྒོལ་འགྲེམ་སྟོན་འབད་མི་ཚུ་གིས་ དགོས་མཁོ་བཀོད་མི་ཚུ་ འགྲུབ་ནི་དང་ ཆོས་རྒྱུགས་ཀྱི་ དྲི་ཤོག་གསང་ཤོར་ལུ་བརྟེན་ཏེ་ སློབ་ཕྲུག་ལ་ལོ་ཅིག་གིས་ རང་སྲོག་བཅད་ཡོདཔ་ལས་ ཁོང་གི་བཟའ་ཚང་ཚུ་ལུ་ཡང་ རྒུད་གསོ་བྱིན་ནི་ཨིནམ་སྦེ་ བཤད་ཡོད་རུང་ ངོ་རྒོལ་འགྲེམ་སྟོན་འབད་མི་ཚུ་གིས་ ཉན་མ་བཏུབ་ཨིན་པས།

དེ་མ་ཚད་ ངོ་རྒོལ་འགྲེམ་སྟོན་འབད་མི་ཚུ་གིས་ གནད་དོན་དེ་གི་སྐོར་ལས་ གྲོས་གླེང་འབད་དགོ་པ་ཅིན་ ཤེས་རིག་བློན་པོ་དེ་ དགོངས་ཞུ་འབད་དགོ་པའི་ མཁོ་འདོད་བཀོད་ཡོདཔ་ལས་ སྤྱི་ཟླ་ ༧ པའི་ཚེས་ ༢༥ ལུ་ དགོངས་ཞུ་འབད་ནུག།