རྒྱ་པཱན་ལུ་ ས་ཡོམ་རྐྱབ་པའི་ རྐྱེན་ངན་ནང་ མི་གྲངས་ ༡༣ ལུ་ཤི་རྐྱེན།

བི་བི་སི།

རྒྱ་པཱན་གྱི་ ལྷོ་ནུབ་ཀིའུ་ཤུ་ལུང་ཕྱོགས་ནང་ ས་ཡོམ་ཤུགས་ཅན་ཅིག་ རྐྱབ་པ་ལུ་བརྟེན་ཏེ་ མི་གྲངས་ ༡༣ དེ་ཅིག་ལུ་ ཤི་རྐྱེན་བྱུང་པའི་ཤུལ་ལས་ ས་ཡོམ་ཚར་ ༡༠༠ ལྷགཔ་ཅིག་ཡང་ རྐྱབ་ཡོདཔ་ཨིན་པས།

ཀུ་མ་མོ་ཊོ་མངའ་སྡེའི་ནང་ ཤོག་གུ་བཟོ་གྲྭ་དང་ ཚོང་འབྲེལ་ཁང་ཅིག་ལུ་ ཉེན་སྐྱོབ་འབད་མི་ ལས་བྱེདཔ་ཚུ་གིས་ གྱང་ཤུལ་ཚུ་བརྐོ་སྟེ་ མི་ཚུ་འཚོལ་བའི་བསྒང་ཡོདཔ་ད་ ས་ཡོམ་རྐྱབ་སྟེ་ ཆུ་ཚོད་ ༡ གི་ ནང་འཁོད་ལུ་ར་ ཚོང་འབྲེལ་ཁང་དེ་ཁར་ འགས་རྐྱེན་ཅིག་བྱུང་ནུག།

སྤྱི་ཟླ་ ༧ པའི་ཚེས་ ༢༨ ལུ་ ཀིའུ་ཤུ་གླིང་ཕྲན་གྱི་ ཀུ་མ་མོ་ཊོ་ མངའ་སྡེའི་ནང་ ཕྱི་རོ་ཁམས་ཅིག་ཁར་ ས་གནས་ཀྱི་ ཆུ་ཚོད་ ༤.༢༧ དེ་ཅིག་ལུ་ ས་ཡོམ་རྐྱབ་མི་དེ་གིས་ གནོད་སྐྱོན་སྦོམ་ཤོས་ར་ ཀ་ཤི་མ་ལུ་ཡོད་མི་ ཐོག་ཚད་འབད་མི་ ཚོངས་འབྲེལ་ཁང་གི་ ཆ་ཤས་ཅིག་ ཧྲམ་བཏང་ཡོདཔ་སྦེ་ཨིན་པས།

རྐྱེན་ངན་དེ་ནང་ མི་གྲངས་ ༤ ལུ་ཡང་ རྨ་སྐྱོན་བྱུང་སྟེ་ དྲན་མེད་སྦེ་ཡོདཔ་ད་ ཚོང་འབྲེལ་ཁང་དེ་ནང་ ལཱ་འབད་མི་ ༢,༧༠༠ དེ་ཅིག་ སྡོད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།