ཨིཛ་རེལ་གྱིས་ ག་ཟ་ལུ་ གནོད་འཚུབ་བཀལ་ཏེ་ མི་གྲངས་ ༤ དེ་ཅིག་དམར་བསད།

ཨཱལ་ཇ་ཟི་ར།

མི་རིགས་དམར་བསད་འབད་ནི་ མཇུག་བསྡུ་ནིའི་དོན་ལུ་ ཕྱད་མདའ་མཚམས་འཇོག་གི་ གན་ཡིག་བཟོ་བའི་བསྒང་ཡོད་རུང་ ཨིཛ་རེལ་གྱིས་ ག་ཟ་ལུ་ གནོད་འཚུབ་བཀལ་ཏེ་ མི་གྲངས་ ༤ དེ་ཅིག་ དམར་བསད་འབད་ཡོདཔ་མ་ཚད་ ལེ་ཤ་ཅིག་ལུ་ཡང་ རྨ་སྐྱོན་བྱུང་ནུག།

སྤྱི་ཟླ་ ༧ པའི་ཚེས་ ༣༠ ལུ་ ག་ཟ་གསོ་བའི་ལྷན་ཁག་ལས་ བཤད་དོ་བཟུམ་འབད་བ་ཅིན་ འདས་པའི་ཆུ་ཚོད་ ༢༤ གི་ ནང་འཁོད་ལུ་ ག་ཟ་ལུ་ཡོད་མི་ སྨན་ཁང་ཚུ་ནང་ ཕུངམོ་ ༦ དང་ རྨ་སྐྱོན་བྱུང་མི་ ནདཔ་ ༣༤ ལྷོད་ཅི་ཟེར་ཨིན་པས།

དེ་མ་ཚད་ ལྷོ་ཕྱོགས་ཁྲོམ་སྡེ་ ཁཱན་ཡི་ནིཛ་ལུ་ཡང་ ཨིཛ་རེལ་གྱིས་ མཁའ་དམག་ཐོག་ལས་ གནོད་འཚུབ་བཀལ་ཏེ་ ཕོ་སྐྱེས་ ༡ དང་ ཨ་ལུ་སྐྱེས་ལོ་ ༨ འབད་མི་ ༡ ཡང་ དམར་བསད་འབད་ཡོདཔ་སྦེ་ གསོ་བའི་འགོ་དཔོན་ཚུ་གིས་ གསལ་བཤད་འབད་ནུག།

ལུང་ཕྱོགས་དེ་ནང་ ཕྱད་མདའ་ལུ་བརྟེན་ཏེ་ མི་སེར་ས་ཡ་ ༡.༢ ལྷགཔ་ཅིག་གི་ སྡོད་ཁྱིམ་ཚུ་ཡང་ མེདཔ་བཏང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།