མོ་རོ་ཀོ་ལས་ སི་པེན་ལུ་ གནས་སྤོ་སྟེ་ འགྲུལ་སྐྱོད་འབད་མི་ཚུ་གི་གྲས་ལས་ མི་གྲངས་ ༣༤ ལུ་ཤི་རྐྱེན།

ཨཱལ་ཇ་ཟི་ར།

འདས་པའི་ཆུ་ཚོད་ ༢༤ གི་ ནང་འཁོད་ལུ་ མོ་རོ་ཀོ་ལས་ མི་སེར་སྟོང་ཕྲག་ལེ་ཤ་ཅིག་ ས་མཚམས་བརྒལ་ཏེ་ སི་པེན་གྱི་མངའ་ཁོངས་ སིའུ་ཊ་ལུ་ གནས་སྤོ་སྟེ་ འགྲུལ་སྐྱོད་འབད་མི་ཚུ་གི་གྲས་ལས་ མི་གྲངས་ ༣༤ དེ་ཅིག་ལུ་ ཤི་རྐྱེན་བྱུང་ནུག།

དེ་ཡང་ བྱང་ཨཕ་རི་ཀའི་ སི་པེན་ལུང་ཕྱོགས་ཀྱི་སྲིད་འཛིན་ ཇུ་འཱན་ཇི་སུཛ་ ཝི་ཝཛ་གིས་ རྐྱེན་ངན་དེ་ནང་ ཤི་རྐྱེན་བྱུང་མིའི་ གྱངས་ཁ་དེ་ ངེས་གཏན་བཟོ་ཡོད་རུང་ དེ་སྦེ་ ཤི་རྐྱེན་བྱུང་མི་ཚུ་གི་སྐོར་ལས་ ཁ་གསལ་སྦེ་ བཤད་མ་བཏུབ་ཨིན་པས།

དེ་འབདཝ་ད་ མི་སེར་སྟོང་ཕྲག་ ༦༠ དེ་ཅིག་ མོ་རོ་ཀོ་ལས་ སིའུ་ཊ་ལུ་ ས་ཐོག་དང་ མཚོ་ཐོག་ལས་ འགྲུལ་སྐྱོད་འབད་དེ་ ས་མཚམས་ལུ་ ལྷོད་རནམ་ད་ མང་ཤོས་ཅིག་གིས་ ཆུ་རྩལ་རྐྱབ་སྟེ་ འགྲུལ་སྐྱོད་འབད་ཡོདཔ་སྦེ་ ཝི་ཝཛ་གིས་ གནས་ཚུལ་བསྡུ་བཀོདཔ་ཚུ་ལུ་བཤད་ནུག།