དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ བིཊ་ཀོ་ཡིན་གྱི་ ཐབས་བྱུས་ཅན་གྱི་ མཉམ་བསྡོམས་ལས་འགུལ།

པདྨ་དབང་འདུས།

སྤྱི་ཟླ་ ༧ པའི་ཚེས་ ༢༩ ལུ་ གནས་ཚུལ་གསར་བཏོན་ཅིག་ནང་ བཀོད་དོ་བཟུམ་འབད་བ་ཅིན་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱིས་ ཨང་ཅན་བདོག་གཏད་མ་དངུལ་གྱི་ གནས་སྟངས་གོང་འཕེལ་དོན་ལུ་ ཨང་ཅན་བདོག་གཏད་ནང་ མ་རྩ་གཞི་བཙུགས་ཀྱི་ བདེ་དོགས་བསལ་ཐབས་འབད་མི་ རྒྱལ་སྤྱིའི་སྣ་ཁྲིདཔ་ ཐི་རི་ཨའི་ཀིའུ་ཀཱོབ་ཟེར་མི་དང་གཅིག་ཁར་ ཐབས་བྱུས་ཅན་གྱི་སྒོ་ལས་ མཉམ་བསྡོམས་འབད་ནི་ཨིན་ཟེར་ཨིན་པས།  

བསྡོམས་རོགས་དེ་གི་འོག་ལུ་ ཐི་རི་ཨའི་ཀིའུ་ཀཱོབ་ཀྱིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ བིཊ་ཀོ་ཡིན་གྱི་ མཛོད་དངུལ་ཆ་ཤས་ཅིག་གི་ རྒྱབ་སྐྱོར་ཐོག་ལས་ ཆེད་དུ་བཀོད་པའི་ འགན་ཁུར་འཛིན་སྐྱོང་འཐབ་ནི་དང་སྦྲགས་ཏེ་ ས་གནས་ཀྱི་ ལྕོགས་གྲུབ་དང་ ཤེས་ཡོན་བརྗེ་སོར་ དེ་ལས་ དགེ་ལེགས་ཕུག་ དྲན་ཤེས་ཁྲོམ་ཚོགས་དེ་ འབྲུག་གི་ཨང་ཅན་མ་དངུལ་གྱི་ལྟེ་བ་གསར་པར་ བསྒྱུར་ཐབས་འབད་ནི་ལུ་ གྲོགས་རམ་ཚུ་འབད་ནི་ཨིནམ་སྦེ་བཀོད་ནུག།